हुवावेसँग साझेदारीसँगै सेरेसको नाफामा वृद्धि

चाइनिज ईभी निर्माता कम्पनी सेरेसले टेक्नोलोजी जायन्ट हुवावेसँग साझेदारी गरेर एइटो ब्रान्ड निर्माण पश्चात नाफा हासिल गरेको छ ।

सेरेसले जुन ३० सम्म ६ महिनाको अवधिमा करिव १ अर्ब ७० करोड युआन वा २० करोड ३४ लाख डलर नाफा गरेको छ । यो अवस्थामा आम्दानी समेत करिव ६६ अर्ब राजस्व प्राप्त गरेको छ, जुन करिव ६ गुणा बढी हो ।

सेरेस र हुवावेले सन् २०२१ को अप्रिल अप्रिलमा सहकार्य घोषणा गरेका थिए । दुई ब्रान्ड मिलेर नयाँ प्रिमियम ब्रान्ड एइटो बनाए । सेरेसले पहिलो ६ महिनाको अवधिमा करिव २ लाख १ हजार एइटो गाडी बिक्री गरेको छ । गत वर्षको तुलनामा यो ५ गुणा बढी हो । यसमा एइटो एम९ मोडलको भूमिका बढी छ किनभने एइटोको सबैभन्दा बढी बिक्री हुने मोडल नै एम९ हो ।

मिडिया रिपोर्टका अनुसार सन् २०२४ मा ६ लाख एइटो गाडी बिक्री गर्ने कम्पनीको लक्ष्य छ ।

चीनमा इलेक्ट्रिक कार निर्माता कम्पनीहरुले प्रशस्तै इलेक्ट्रिक कार उत्पादन गरिरहेका छन् । यो अवस्थामा मूल्य घटाउने प्रतिस्पर्धा समेत चलिरहेको छ । यस्तो अवस्थामा नाफा हासिल गर्ने थोरै कम्पनीहरु मध्ये सेरेस पनि एक हो ।