मूल्य कम गर्न रोयल इन्फिल्डले इन्ट्रि–लेभलको नयाँ बाइक ल्याउने

पछिल्लो केही बर्षयता भारतमा मोटरसाइकलको उत्पादन लागत बढिरहेका कारण रोयल इन्फिल्डको मूल्य समेत बढिरहेको छ । सोहि कुरालाई मध्यनजर गर्दै यो कम्पनीले निकट भबिष्यमै कम मूल्यमा इन्ट्रि–लेभल बाइक ल्याउने तयारी थालेको छ । उसले ल्याउने यो नयाँ बाइक पुरानो मोडल बुलेट ३५० को प्लेटफर्ममा आधारित रहने जनाइएको छ । लागत कम गर्न कम्पनीले क्लासिक ३५० र मेटियर ३५० मा हाल प्रयोग भैरहेको नयाँ जे प्लेटफर्मलाई यो बाइकमा प्रयोग नगर्ने भएको हो । साथै उसले इन्स्ट्रमेन्ट लिस्टमा समेत भारी कटौती गर्न सक्ने देखिएको छ ।

यो नयाँ बाइकमा सेमी डिजिटल इन्स्ट्रुमेन्ट कन्सोल, डिस्क ब्रेक र सिंगल च्यानल एबिएस मात्र उपलब्ध हुन सक्ने अनुमान लगाइएको छ । त्यसैगरी बाइकको लाइटिङमा समेत कटौती गरी हेलोजिन लाइट मात्र उपलब्ध गराउन सक्ने र नेभिगेसन ट्रिपरलाई पनि अप्सनमा मात्र उपलब्ध गराउन सक्ने देखिएको छ ।

यो नयाँ बाइकमा जडान गरिने इन्जिन र पावरट्रेनका बारेमा बिस्तृत विवरण सार्बजनिक भैनसकेपनि बुलेट ३५० मा जडान गरिएको ३४६ सिसी एयर कुल्ड सिंगल सिलिन्डर इन्जिनलाई निरन्तरता दिन सक्ने अनुमान गरिएको छ । जसको अधिकतम पावर १९.४ पिएस र टर्क २८ एनएम रहँदै आएको छ ।

यो नयाँ बाइकको मूल्य भारतमा १ लाख १० हजार देखी १ लाख ३० हजार भारुसम्म पर्न सक्ने अनुमान गरिएको छ भने लन्च पश्चात यसले जावा ४२ र आफ्नै क्लासिक ३५० र बुलेट स्टान्डर्ड ३५० संग प्रतिस्पर्धा गर्नेछ ।