रोयल इन्फिल्डले देखायो सटगन ६५०, यस्तो हुनेछ फिचर र पर्फमेन्स

रोयल इन्फिल्डले आफ्नो नयाँ मोटरसाइकल सटगन ६५० लाई मोटोभर्स इभेन्टमा देखाएको छ । तत्कालका लागी २५ युनिटमात्र तयार हुने सो मोटरसाइकलमा निकै अकर्षक पेन्ट स्किम दिइएको छ । मोटोभर्सको अवसर पारेर कम्पनीले आफ्नो वहुप्रतिक्षित नयाँ हिमालयन ४५० समेत सार्बजनिक गरेको थियो ।

सो नयाँ मोटरसाइकलमा कम्पनीले ६४८ सिसी प्यारलल–ट्विन इन्जिन जडान गरेको छ । जसको पावर ४७ एचपी र टर्क ५२.३ एनएम रहने अनुमान गरिएको छ । रेट्रो क्रुजर स्टायलमा निकै आकर्षक देखिएको सटगन ६५० मा पिलियन सिटको समेत ब्यवस्था रहने आँकलन गरिएको छ ।

रोयल इन्फिल्डले यसको २५ युनिटका लागी ४ लाख २५ हजार भारु मूल्य निर्धारण गरेको छ । झट्ट हेर्दा सुपर मेटियरजस्तै देखिने सो नयाँ मोटरसाइकलमा के–कस्ता फिचर हुनेछ भन्ने विषयमा कम्पनीले प्रष्ट पारिसकेको छैन ।