रोयल इन्फिल्डको रोपाई राइड सम्पन्न

रोयल इन्फिल्ड मोटरसाइकलको बारा पर्साका लागि आधिकारिक विक्रेता नोभस ब्रदर्स प्रालिले रोपाई राइड सम्पन्न गरेको छ । राष्ट्रिय धान दिवसको अवसर पारेर शनिबार यो विशेष कार्यक्रम आयोजना गरिएको हो ।

बिरगंजस्थित रोयल इनफिल्ड शोरुमबाट शुरु गरिएको राइड ठोरीमा पुगेर टुंगिएको थियो । राइडमा २५ जना राइडरले सहभागिता जनाएका थिए । उक्त कार्यक्रमको उद्देश्य राष्ट्रिय धान दिवसको महत्वलाई उजागर गर्दै कृषिको व्यवसायीकता प्रवर्धन गर्न टेवा पुर्याउनु रहेको जनाइएको छ ।

आयोजक कम्पनीका अनुसार राइडरले ठोरीमा रोपाइ कार्य, बाउसे एवं रोपाइका गतिविधिमा संलग्न भइ रमोन्चक अनुभव बटुलेका थिए । कार्यक्रममा सहभागी बाइक प्रेमीलाई नोभस ब्रदर्श प्रालिका प्रबन्ध निर्देशक अनुप अग्रवालले धन्यवाद ज्ञापन गरेका थिए भने अल्फा अटोमोटिभ प्रालिका नेशनल कार्ट हेड दिपेश श्रेष्ठले रोड क्याप्टेनको भुमिका निर्वाह गरे ।