रोयल इनफिल्ड हन्टर ३५० को नयाँ संस्करण सार्बजनिक, मूल्य कति ?

रोयल इनफिल्डले आफ्नो सबैभन्दा सस्तो मोटरसाइकल हन्टर ३५० को २०२५ संस्करण सार्बजनिक गरेको छ । प्रमुख परिवर्तनका रूपमा बाइकमा नयाँ रियर सस्पेन्सन राखिएको छ । ६ वटा अकर्षक कलरमा उपलब्ध यस बाइकको मूल्य १ लाख ५० हजार भारु निर्धारण गरिएको छ ।

हन्टर ३५० को सो नयाँ संस्करणमा प्रोग्रेसिभ स्प्रिङयुक्त सस्पेन्सन सेट दिइएको छ । जसले, अझ आरामदायी यात्रा प्रदान गरेर समग्र सवारी अनुभवमा सुधार गर्ने अपेक्षा गरिएको छ ।

रिभाइज्ड एक्सजस्ट राखिएको यस मोटरसाकलको ग्राउन्ड क्लियरेन्स १० मिमीले बढाईएको छ । साथै यसमा उच्च डेन्सिटी फोमको साथ पुनः डिजाइन गरिएको सिट दिइएको छ । बाइकमा एलईडी हेडल्याम्प, ट्रिपर नेभिगेसनको साथ डिजिटल इन्स्ट्रुमेन्ट कन्सोल र यूएसबी टाइप–सी चार्जर पनि उपलब्ध गराइएको छ ।

हन्टर ३५० मा ३४९ सीसी, एयर–कूल्ड सिंगल–सिलिन्डर इन्जिन जडान गरिएको छ, जसले २० बीएचपी र २७ एनएम उत्पादन गर्दछ । इन्जिनलाई ५–स्पीड गियरबक्ससँग जोडिएको छ भने सबै भेरिएन्टमा स्लिप–एन्ड–असिस्ट क्लच अनिबार्य गरिएको छ ।