रोयल इन्फिल्डले राइडर गुफीलाई ग-यो सम्मान, सगरमाथा आरोहणका लागि ५ लाख रकम हस्तान्तरण

काठमाडौं – विश्वको पुरानो मोटरसाइकल कम्पनी रोयल इन्फिल्डको नेपालका लागि आधिकारिक बिक्रेता त्रिवेणी समुह अन्तर्गतको अल्फा अटोमोटिभ प्रालिले गुफीको नामबाट परिचित प्रसिद्ध राइडर प्रमोद श्रेष्ठलाई सम्मान गरेको छ । कम्पनीका कार्यकारी निर्देशक हर्ष संघाइद्वारा गुफीलाई सम्मान गरिएको हो ।

प्रमोद श्रेष्ठ रोयल इनफिल्डको अनुभवी र सबैभन्दा खारिएका राइडर हुन् । उत्साही, साहसिक यात्रा गर्न रुचि राख्ने गुफीले रोयल इनफिल्ड मोटरसाइकलबाट म्यानमार, तिब्बत, भुटान र भारतको सफल यात्रा गरिसकेका छन् । उनले सन् १९९५ मा २२ घण्टा २८ मिनेटको समयावधिमा रोयल इन्फिल्ड ३५० सीसीबाट पूर्व–पश्चिम राजमार्ग चलाएर यात्रा गरी कीर्तिमान समेत कायम गरेका छन् ।

विभिन्न सामाजिक कार्यहरुमा सक्रिय रहेका प्रमोद श्रेष्ठद्वारा यही अप्रिल २०२२ मा हुन गइरहेको सगरमाथा आरोहण ‘८८४८ बालिकालाई बालबिबाह विरुद्ध शिक्षा अर्थात Teach 8848 Girls Against Child Marriage अभियानलाई सफल बनाउनका लागि अल्फा अटोमोटिभ प्रालिले त्रिवेणी ग्रुपको कार्यलयमा एक कार्यक्रम आयोजना गरेर ५ लाख रुपैयाँको चेक हस्तानतरण गरेको छ । साथै उक्त कार्यक्रममा रोयल इनफिल्डको झण्डा समेत सगरमाथाको शिखरमा पुर्याउनका लागि झन्डा समेत हर्ष संघाइबाट हस्तान्तरण भएको छ ।

त्रिवेणी ग्रुप अन्तर्गतको अल्फा अटोमोटिभ हालै नेपालभर आधिकारिक बिक्रेताको अनुमति पाएको हो । कम्पनीले आफ्नो बिक्री, सर्भिस एवं सन्जाल विस्तार कार्य सुरु गरिरहेको छ ।