१६ दिनपछि सार्बजनिक हुँदै रोयल इन्फिल्डको नयाँ मोटरसाइकल

रोयल इन्फिल्डले १६ दिनपछि अर्थात जुलाई १७ मा नयाँ मोटरसाइकल गुरिल्ला ४५० सार्बजनिक गर्ने तयारी गरेको छ । यो बाइक बार्सिलोनामा एक कार्यक्रममा प्रस्तुत गरिने जनाइएको छ ।

रोयल ईनफिल्डको ४५० प्लेटफर्ममा आधारित नयाँ रोडस्टर मोटरसाइकलले ट्राइम्फ स्पीड ४०० सँग प्रतिस्पर्धा गर्ने अपेक्षा गरिएको छ ।

गुरिल्ला ४५० शेर्पा ४५० इन्जिनबाट संचालित हुनेछ । यो ४५२ सीसी लिक्विड कूल्ड सिंगल सिलिन्डर युनिटले ३९ बीएचपी र ४० एनएम टर्क उत्पादन गर्छ । इन्जिन ६ स्पीड गियर बक्ससँग जोडिनेछ ।

डिजाइनको कुरा गर्नुपर्दा यो नयाँ मोटरसाइकलमा फराकिलो ह्यान्डलबारहरू सहितको अधिक अपराइट राइडिङ पोजिसन हुनेछ । बाइकमा गोलाकार एलईडी हेडल्याम्प र स्प्लिट ग्राब ह्यान्डल सहितको सिंगल–पीस सिट हुने अपेक्षा गरिएको छ ।

साथै, यसमा अपसाइड–डाउन शकको सट्टा सानो फ्रन्ट ह्वील र टेलिस्कोपिक फोर्क उपलब्ध हुनेछ ।