यस्तो हुनेछ रोयल इन्फिल्डको इलेक्ट्रिक बुलेट बाइक

रोयल इन्फिल्ड पनि इलेक्ट्रिक सेगमेन्टमा प्रवेश गर्ने भएको छ । कम्पनीले आफ्नो पहिलो एड्भेन्चर इलेक्ट्रिक बाइक लन्च गर्ने तयारी गरिरहेको छ ।

हाल रोयल इन्फिल्डको इलेक्ट्रिक बाइकको फोटो सोसल मिडियामा भाइरल भइरहेको छ । रिपोर्टका अनुसार रोयल इन्फिल्डको इलेक्ट्रिक बाइकको लुक रोयल इन्फिल्ड हिमालयन बाइक जस्तो देखिने छ । हालको लागि सो बाइकको पहिलो स्केच डिजाइन पुरा भइसकेको छ । यो कम्पनीको अन्य बाइक भन्दा बढी स्पोर्टी र शानदार लुकको हुने अपेक्षा गरिएको छ ।

रोयल इन्फिल्डले सो बाइकमा एक्सटर्नल चार्ज इन्डिकेटर सहितको ब्याट्री दिने अपेक्षा गरिएको छ । साथै बाइकमा फेन्सी र अन्य एड्भान्स फिचर पनि समावेश गर्नेछ । कम्पनीले सो बाइकको कोड नेम इलेक्ट्रिक०१ राखेको छ । कम्पनीले यसलाई ३५० वा ३६० सीसीको इलेक्ट्रिक मोटरमा लन्च गर्नेछ ।

रोयल इन्फिल्डले हिमालयन बुलेट रेन्जको इलेक्ट्रिक बाइक कहिले बजारमा आउने भन्ने वारेमा भने आधिकारिक जानकारी सार्वजनिक गरेको छैन । यसका लागि केही वर्ष नै लाग्ने अनुमान गर्न सकिन्छ ।