आश्चर्यजनक फिचर सहित रोयल इन्फिल्डले इलेक्ट्रिक बाइक ल्याउने

रोयल इन्फिल्डले आफ्नो बाइकहरु अपडेट गर्दैछ । रिपोर्टका अनुसार कम्पनीले नयाँ हन्टर ३५० लन्च गरे पश्चात नयाँ पुस्ताको रोयल इन्फिल्ड बुलेट ३५० लन्च गर्ने तयारी गरिरहेको छ, साथै रोयल इन्फिल्डले हाल नयाँ इलेक्ट्रिक बाइकमा काम गरिरहेको छ । यो २०२५ सम्ममा आधिकारिक रूपमा पेश गर्ने अपेक्षा गरिएको छ ।

यद्यपि यी बाइक अझै पनि विकासको प्रारम्भिक चरणमा छन्, यसका अतिरिक्त, रोयल इन्फिल्डले सरकारी योजना पनि प्रयोग गर्ने अपेक्षा गरिएको छ । यसले ब्रान्डलाई बजारमा यी बाइकको आक्रामक मूल्य निर्धारण गर्न मद्दत गर्नेछ ।

रोयल इन्फिल्डले हाल भारतमा आफ्नो पोर्टफोलियो विस्तार गर्न काम गरिरहेको छ । कम्पनीले ३५० र ६५० सीसी सेगमेन्टमा आफ्नो पहुँच बढाउदै छ । अनुमानित रिपोर्ट अनुसार कम्पनीले ४५० सीसीको बाइक २०२६–२७ सम्ममा लन्च गर्ने तयारी गरिरहेको छ । कम्पनीले दोस्रो जेनेरेसनको जे प्लेटफर्म पनि लन्च गर्ने सम्भावना छ ।

सो नयाँ प्लेटफर्ममा रोयल इन्फिल्डको आगामी बाइकहरू प्रयोग हुने अपेक्षा गरिएको छ । रोयल इन्फिल्डले बजारको अवस्थाका आधारमा यी इलेक्ट्रिक बाइक लन्च गर्नेछ । सो नयाँ इलेक्ट्रिक बाइकहरू भारतलगायत विश्वका अन्य बजारमा पनि लन्च गरिनेछ ।