टेस्लामा रोबोटको आक्रमण, इन्जिनियरको ढाड र हातमा गम्भीर चोट

टेस्लाको गिगा टेक्सास कम्पनीमा सवारीसाधनका पार्टपुर्जाहरू उठाउने जिम्मा पाएको टेस्ला रोबोटले एक इन्जिनियरमाथि आक्रमण गरेको रिपोर्ट डेलीमेलले सार्वजनिक भएको छ । सो घटना नोभेम्बर १०, २०२१ मा भएको थियो । कम्पनीका इन्जिनियर अन्य दुई खराब टेस्ला रोबोट ठीक गर्न प्रयास गरिरहेको बेला सो रोबोटले आक्रमण गरेको थियो ।

आक्रमणकारी रोबोटले इन्जिनियरलाई भुइँमा पछारी धारिलो धातुले इन्जिनियरको पछाडि र पाखुरामा आक्रमण गरेको थियो । सो घटनाको तुरुन्तै प्रतिक्रिया दिँदै, अन्य कर्मचारी सदस्यहरूले आपतकालीन बटन थिचे र आक्रमणकारी रोबोटलाई नियन्त्रणमा लिए ।

रिपोर्टका अनुसार कम्पनीमा उपस्थित इन्जिनियर अन्य रोबोटका लागि सफ्टवेयर प्रोग्रामिङ गरिरहेको बेला रोबोटले आक्रमण गरेको थियो । कम्पनीका अनुसार उक्त कर्मचारीलाई गम्भीर चोट नभएको बताइएको छ, तर पनि टेस्लाले यस विषयमा अहिलेसम्म कुनै आधिकारिक बयान जारी गरेको छैन ।

टेस्ला कम्पनीमा प्रत्येक २१ कर्मचारी मध्ये एक जनालाई रोबोटले चोट पु-याउने गरेको अमेरिकी व्यावसायिक सुरक्षा र स्वास्थ्य प्रशासनले बताएको छ । गत वर्ष पनि एक कर्मचारीको टाउकोमा धातु खसेको थियो । सोही वर्ष, टेस्लाको मोडल वाईको अन्डरबडी उत्पादन गर्ने कास्टिङ क्षेत्रमा विस्फोट भएको थियो ।