रोड सेफ्टी क्विज सम्पन्न, विजेताको घोषणा

काठमाडौं – छैटौं यूएन ग्लोबल रोड सेफ्टी विकको उपलक्ष्यमा रोड सेफ्टी क्विज कम्पिटिसन सम्पन्न भएको छ । नासा फाउन्डेसन नेपालले सेफ एन्ड सस्टेनेबल ट्राभल नेपाल, नेसनल एलाइन्स फर सेफ एन्ड सस्टेनेबल मोबिलिटी र स्वतन्त्रता अभियान नेपालको सहकार्य तथा एफआईएको सहयोगमा हिजो सो प्रतियोगिताको आयोजना गरेको हो ।

कुल ३० जना सहभागी रहेको सो प्रतियोगितामा सडक, सवारी तथा सडक व्यवस्थापन सम्बन्धी प्रश्नहरु सोधिएको थियो । छनौट चरण र उत्कृष्ट १० को सहभागितामा फाइनल चरण गरी दुई चरणमा खेलाइएको उक्त प्रतियोगितामा सोनिया भण्डारी, जुनुकला श्रेष्ठ र अनमोल थापाले क्रमश प्रथम, द्वितीय र तृतीय स्थान प्राप्त गरे ।

विजेताहरुलाई प्रमाणपत्र, नगद पुरस्कार तथा गिफ्ट ह्याम्पर सहित सम्मान गरिने नासा फाउन्डेसनले जनाएको छ ।

Streets for Life नाराका साथ छैटौं यूएन ग्लोबल रोड सेफ्टी विक मे १७ देखि २३ सम्म विश्वभर मनाइदै छ ।