राइडर प्रबिनले खोले ‘एसजिभी अटो गियर एण्ड एसेसोरिज’ शप

काठमाडौं–चर्चित राइडर प्रबिनकुमार मैनालीले भक्तुपरको ठिमीस्थित एसएस चोकमा ‘एसजिभी अटो गियर एण्ड एसेसोरिज’ शप सञ्चालनमा ल्याएका छन् । ‘स्पोर्ट ग्रुप अफ भ्याली’ नामको राइडिङ कम्युनिटीका अध्यक्ष समेत रहेका उनले २० लाख रुपैयाँ लगानीमा उक्त शप खोलेका हुन् ।

गत शुक्रबार राइडरहरुलाई भेला गरी शोरुम उद्घाटन गरिएको हो । शोरुममा प्रिमियम ब्रान्डका हेल्मेटदेखी राइडिङ गियर, एसेसोरिज र लुब्रिकेन्ट्ससम्म उपलब्ध हुने उनले बताए । उनका अनुसार, राइडर कम्युनिटीमा आबद्ध सदस्यहरुलाई एकै छानामुनी सम्पूर्ण सेवा उपलब्ध गराउनु यस शपको प्रमुख उद्देश्य हो ।

‘सुरक्षित राइडिङका लागि आवश्यक एसेसोरिज खोज्ने जोकोही राइडर हाम्रो शोरुममा आउन सक्नुहुनेछ । हामीकहाँ आएपछि कुनै पनि सामान नपाएर खाली हात फर्कनु पर्दैन । हामिकहाँ पाइने सामान गुणस्तरिय हुुनुको साथै मूल्य समेत सुलभ छ’ मैनालीले भने ।