बेलायती अर्बपति ब्रान्सन बने आफ्नै यानमा अन्तरिक्ष यात्रा गर्ने पहिलो व्यक्ति

 बेलायती अर्बपति रिचर्ड ब्रान्सन आफ्नै यानमा चढेर अन्तरिक्ष यात्रा गर्ने पहिलो व्यक्ति बनेका छन् ।

७१ वर्षीय ब्रान्सन हिजो अमेरिकाको न्यु मेक्सिकोबाट आफ्नै कम्पनी भर्जिन ग्यालेक्सीद्वारा निर्मित यानमार्फत अन्तरिक्षमा पुगेका हुन् ।

उक्त यान पृथ्वीबाट ८८ किलोमिटर उचाइमा पुगेको थियो । ब्रान्सहित पाँच चालकदलका सदस्यले करिब केही मिनेट गुरुत्वशून्यताको अनुभव गरेका थिए । यान सुरक्षित रुपमा पृथ्वीमा अवतरण भएको छ ।

उनले अवतरण भएपछि भने, यात्रा ‘जीवनभरको अनुभव’ हो।

टेस्लाका इलन मस्क र अमेजनको जेफ बेजोसलाई पछाडी पार्दै अन्तरिक्ष पर्यटन यात्रीहरूमध्ये ब्रान्सनलाई पहिलो बनाउँदछ।

उनी सहितको अन्तरिक्ष बाहन ८५ किलोमिटर माथि पुगेको थियो ।

भर्जिन ग्यालेक्टिकमा अन्तरिक्ष यान अवतरण भएसँगै नासाका अधिकारीहरूदेखि अन्तरिक्ष यात्रीहरू सबैले सोशल मीडियामार्फत बधाई दिएका छन् ।

उनीसँगै युनिटीका दुई पायलट डेभ म्याके र माइकल मासुची, र ग्यालाक्टिकका तीन कर्मचारीहरू बेथ मोसा, कोलिन बेनेट र सिरिशा बन्डला पनि मिसनमा थिए।

भर्जिन समूहका संस्थापक रिचर्ड ब्रान्सनको विश्वभरमा चार सयभन्दा बढी कम्पनी छन् । सन् १९५० मा बेलायतमा जन्मेका उनको पूरा नाम रिचर्ड चाल्र्स निकोलस ब्रान्सन हो । उनले सरको उपाधि भने पछि पाएका हुन् ।

बहुराष्ट्रिय व्यापारका यी उद्यमीले हात नहालेका क्षेत्र बिरलै छन् । उनको व्यापारमा हवाई सेवा, होटल तथा पर्यटन व्यवसायदेखि अन्तरिक्ष पर्यटनसम्म छन् । त्यस्तै उनले अतिरिक्त ऊर्जा, परिधान, पेय पदार्थ, पुस्तक प्रकाशन, क्यासिनो, स्वास्थ्य, दूरसञ्चार, वित्तीय कारोबार, रेडियो, टेलिभिजन, सिनेमालगायत क्षेत्रमा पनि हात हालेका छन् । उनले हात हालेका सबै व्यवसायको सूची लामो बन्छ । धेरै व्यवसायमा हात हालेर सफल हुने चामत्कारिक व्यक्ति पनि हुन् उनी ।