रिजर्भमा बाइक चलाउने बानी छ ? यस्तो हुन सक्छ असर

रिजर्भ मोडमा बाइक चलाउँदा फाइदा देखिए तापनि पछि यसले बाइकलाई हानी पु¥याउन सक्छ । विभिन्न कारण कतिपयले बाइक चलाउँदा तेल भर्न ढिलाइ गर्छन् र धेरैजसो अवस्थामा बाइकलाई रिजर्भ मोडमा चलाउँछन् । तर सके सम्म रिजर्भ मोडमा नचलाउनु नै उत्तम हुन्छ ।

यसकारण रिजर्भ मोड उपलब्ध
बाइकमा रिजर्भ मोड दिइनुको कारण बाइकमा पेट्रोल सकिएपछि पनि बाइकलाई केही दूरीसम्म चलाएर नजिकको पेट्रोल पम्पसम्म पुग्न सकियोस् भन्नाका लागि हो ।

रिजर्भमा चलाउनु सही वा गलत
रिजर्भ मोडमा कहिलेकाहीँ बाइक चलाउँदा समस्या हुँदैन । तर यदि बाइकलाई हरेक पटक रिजर्भ मोडमा राखिएको छ भने, इन्धनको स्तरले इन्जिनमा थप तनाव ल्याउन सक्छ । यसका साथै कम पेट्रोलका कारण ट्यांकीमा जडान गरिएका सेन्सर पनि छिट्टै बिग्रन्छ ।

के फाइदा हुन्छ ?
रिजर्भमा बाइक चलाउनुका फाइदा र बेफाइदा दुबै छन् । पेट्रोल ट्यांकीमा लामो समयसम्म धुलो जम्मा भएमा यसले इन्जिनमा गएर समस्या निम्त्याउन सक्छ । तर रिजर्भमा प्रयोग गर्दा ट्यांकीमा लामो समयसम्म पेट्रोल रहँदैन र ट्यांकी निरन्तर सफा रहन्छ । तर, विज्ञका अनुसार बाइकलाई लगातार रिजर्भ मोडमा चलाउनु हुँदैन । यसलाई आवश्यक पर्दा मात्र प्रयोग गर्नुपर्छ ।