जुलाई महिनामा भारतमा सवारी साधन बिक्रीमा उछाल, यी कम्पनीले बनाए रेकर्ड

कोरोनाको दोस्रो लहर सकिए लगत्तै भारतीय बजारमा जुलाई महिनामा गाडीको मागमा उछाल आएको छ । कोरोना कहरको कारणले गर्दा सामाजिक दुरी कायम गर्नको लागि वा व्यक्तिगत इच्छापूर्तिको लागि कारको मागमा बढोत्तरी भएको अटोमोबाइल कम्पनीहरुले बताएका छन् ।

जुलाई महिनामा भारतीय बजारमा कारको बिक्रीमा राम्रै रेकर्ड कायम भएको छ । कुन कम्पनीका कार कुन संख्यामा बिक्री भए भन्ने सामान्य झलक प्रस्तुत गरिएको छ ।

मारुती सुजुकी
मारुती सुजुकीको कार बिक्री जुलाईमा ५० प्रतिशतले बढेर १ लाख ६२ हजार ४६२ युनिट पुगेको छ । गत वर्ष कम्पनीले यही महिनामा १ लाख ८ हजार ६४ युनिट बिक्री गरेको थियो ।

घरेलु बजारमा कम्पनीको बिक्री ३९ प्रतिशतले बढेर १ लाख ४१ हजार २३८ युनिट पुगेको छ । कम्पनीको मिनी कार अल्टो तथा वागन आरको बिक्री १९ हजार ६८५ युनिट रहयो । गत वर्ष सो कार १७ हजार २५८ युनिट बिक्री भएको थियो ।

किया
किया इन्डियाको बिक्री जुलाईमा ७६ प्रतिशत बढेर १५ हजार १५ युनिट पार गरेको छ । यो अवधिमा कम्पनीले ८५४९ युनिट सेल्टोस, ५९६३ युनिट सोनेट र ५०३ युनिट कार्निभल बिक्री गरेको छ ।

हुन्डाई
त्यस्तै हुन्डाई इन्डिया लिमिटेडको बिक्री जुलाई महिनामा ४६ प्रतिशत बढेर ६० हजार २४९ युनिट पुगेको छ । गत वर्ष यही महिनामा कम्पनीले ४१ हजार ३०० युनिट बिक्री गरेको थियो । कम्पनीले आफ्नो बयानमा घरेलु बजारमा कारको बिक्री २६ प्रतिशत बढेर ४८ हजार ४२ युनिट पुगेको प्रस्ट पारेको छ । कम्पनीले सो महिनामा १२ हजार २०७ युनिट निर्यात गरेको थियो ।

एमजी मोटर
एमजी मोटर इन्डियाले जुलाईमा गत वर्ष भन्दा दुई गुणा अर्थात् ४ हजार २२५ युनिट कार बिक्री गरेको जानकारी दिएको छ ।

स्कोडा
स्कोडा अटोले जुलाई महिनामा आफ्नो बिक्री तीन गुणाले बढाएर ३ हजार ८० युनिट पु-याएको छ । गत वर्ष यो महिनामा स्कोडाले ९२२ कार मात्र बिक्री गरेको थियो । यसका आधारमा स्कोडाले २३४ प्रतिशत बिक्रीमा बढोत्तरी गरेको छ । कम्पनीले हालै लन्च गरेको स्कोडा कुशाक एसयूभीले यो बिक्री रेकर्ड कायम गर्न सहयोग गरेको र आगामी दिनमा अझै बढ्ने कम्पनीको भनाइ छ ।

बजाज
बजाजले जुलाई २०२१ मा ४४ प्रतिशत वृद्धि सहित कुल ३ लाख ६९ हजार ११६ युनिट मोटरसाइकल बिक्री गरेको छ । कम्पनीले वर्षमा लगभग २ लाख ५५ हजार ८३२ युनिट मोटरसाइकल बिक्री गर्ने गरेको छ ।

टाटा मोटर्स
टाटा मोटर्सले पनि जुलाई २०२१ मा घरेलु बजारमा गत वर्षको तुलनामा ९२ प्रतिशत बिक्री बढाएर ५१ हजार ९८१ युनिट पु¥याएको छ । कम्पनीले जुलाई २०२० मा २७ हजार २४ युनिट बिक्री गरेको थियो । कम्पनीले कमर्सियल सवारी साधन २१ हजार ७९६ युनिट बिक्री गरेको छ । जुलाई २०२० मा सो कार १२ हजार १२ युनिट बिक्री भएको थियो ।

महिन्द्रा एन्ड महिन्द्रा
महिन्द्रा एन्ड महिन्द्राको कारको बिक्री जुलाई २०२१ मा दुई गुणा बढेर २१ हजार ४६ युनिट पुगेको छ । गत वर्ष कम्पनीले कुल ११ हजार २५ युनिट बिक्री गरेको थियो ।

अशोक लेल्यान्ड
अशोक लेल्यान्डले पनि जुलाई २०२१ मा ८१ प्रतिशत बिक्री बढाएको छ । कम्पनीले कुल ८ हजार ६५० युनिट कार बिक्री आँकडा पार गरेको छ । गत वर्ष कम्पनीले सोही महिनामा ४ हजार ७७६ युनिट बिक्री गरेको थियो ।

टीभीएस
टीभीएस मोटर कम्पनीले पनि जुलाई २०२१ मा कुल बिक्री १० प्रतिशत बढाएर २ लाख ७८ हजार ८५५ पु¥याएको छ ।

टोयोटा
टोयोटा कम्पनीले जुलाईमा १३ हजार १०५ युनिट कार भारतीय बजारमा बिक्री गरेको छ । जबकि जुलाई २०२० मा ५ हजार ३८६ युनिट बिक्री गरेको थियो । जुलाई २०२० को तुलनामा जुलाई २०२१ मा कम्पनीले बिक्री १४३ प्रतिशत बढोत्तरी दर्ज गरेको छ ।