राष्ट्रिय वाणिन्य बैंकले दिदैछ विद्युतीय सवारी साधनमा अन्य भन्दा २ प्रतिशत कम ब्याजदरमा अटो लोन

राष्ट्रिय वाणिज्य बैंकले प्रदान गर्ने विभिन्न कर्जा मध्ये सवारी साधन कर्जा पनि एक हो । बैंकले शीर्षकमा विभिन्न प्रकारका सवारी साधन कर्जा उपलब्ध गराइरहेको छ ।

बैंकले भोलि कार्तिक १ देखि लागू हुने गरी ब्याजदरको नयाँ दर सार्वजनिक गरेको छ । यस अनुसार गाडी कर्जामा बेस रेट भन्दा ५ प्रतिशत र विद्युतीय सवारी साधन कर्जा ३ देखि ४ प्रतिशत सम्म हुनेछ । बैंकले कार्तिक १ गते वेबसाइटमार्फत बेस रेट सार्वजनिक गर्ने बताएको छ । यो भन्दा पहिले औसत आधार दर अर्थात बेस रेट भदौ महिनामा ८.२० प्रतिशत थियो ।

प्राकृतित व्यक्तिको आवधिक कर्जाको लागि भने फरक स्थिर दर तोकिएको छ । यस अनुसार ७ वर्ष सम्मका लागि गाडी कर्जा र विद्युतीय सवारी साधनका लागि १३.५० प्रतिशत ब्याजदर तोकिएको छ ।

त्यसैगरी संस्थागत आवधिक कर्जाको लागि पनि स्थिर ब्याजदर अन्तर्गत ५ देखि १० वर्ष सम्मका लागि १४.५० प्रतिशत र १० वर्ष भन्दा बढी अवधिको लागि १५.५० प्रतिशत ब्याजदर तोकिएको छ ।