पल्सर एन २५० को अपडेटेड भर्सन नेपाल आउँदै

काठमाडौं– बजाज एन २५० को अपडेटेड भर्सन नेपाल आउने भएको छ । बजाज मोटरसाइकलको नेपालका लागि आधिकारिक बितरक हंसराज हुलासचन्द एन्ड कम्पनीले एक टिजर सार्बनिक गर्दे एन २५० को अपडेटेड भर्सन छिट्टै नेपाल आउन लागेको जानकारी दिएको हो ।

कम्पनीले सार्बजनिक गरेको टिजरमा यूएसडी सस्पेन्सन सहितको पल्सर एन २५० देख्न सकिन्छ । बाइकमा यूएसडी फर्कका अलवा एबिएस मोड तथा डिजिटल कन्सोलसमेत अपग्रेड हुने अनुमान गर्न सकिन्छ ।

पल्सर एन २५० को स्टयन्डर्ड भर्सनमा २४९.०७ सीसी क्षमताको सिगंल सिलिण्डर, ४ स्ट्रोक, एसओएचसी, २ भल्भ, आयल कुल्ड, ट्विन स्पार्क एफआइ इन्जिन जाडान गरिएको छ । उक्त इन्जिनले २४.५ पीएस पावर तथा २१.५ एनएम टर्क जेनेरेट गर्दछ ।

५ स्पीड गियरबक्स राखिएको यस मोटरसाइकललाई १४० किलोमिटर प्रतिघण्टाको उच्च गतिमा हाँक्न सकिन्छ । १४ लिटर क्षमताको फ्युल ट्यांक रहेको यस मोटरसाइकलले ३० देखी ३५ किलोमिटर माइलेज दिने दाबी गरिएको छ ।