डुअल–च्यानल एबिएससहित अपडेट भएर आयो पल्सर २२० एफ, मूल्य कति ?

बजाज अटोले पल्सर २२० एफको २०२५ संस्करण लन्च गरेको छ । अपडेट गरिएको संस्करणमा डुअल–च्यानल एबिएस जडान गरिएको छ । भारतमा यसको मूल्य १ लाख २८ हजार भारु निर्धारण गरिएको छ ।

२०२५ पल्सर २२० एफमा प्रोजेक्टर हेडल्याम्प, टु–पीस स्टेप्ड सिट र ब्लुटुथ कनेक्टिभिटी सहितको एलसिडी इन्स्ट्रुमेन्ट कन्सोल उपलब्ध गराइएको छ । पहिले झैं उही सेमी–फेयर्ड डिजाइनमा आएको सो नयाँ संस्करण गोल्डल एक्सेन्टसहित कालो र ओरेन्ज हाइलाइट सहितको गाढा हरियो शेडमा उपलब्ध रहेको छ ।

बाइकमा २२०सीसी, एयर÷आयल कूल्ड सिंगल सिलिन्डर इन्जिन जडान गरिएको छ, जसले २० बिएचपी पावर र १८.५ एनएम टर्क प्रदान गर्दछ । इन्जिन ५–स्पीड गियरबक्समा जोडिएको छ ।

बाइकको अगाडि टेलिस्कोपिक फोर्क र पछाडि डुअल शक अब्जर्बरसहितको सस्पेन्सन सेटअप छ ।