क्रसफायरका दुई मोटरसाइकलको मूल्य बढ्यो : एउटाको ३५ हजार, अर्कोको १० हजार

काठमाडौं – नेपाली बजारमा उपलब्ध विभिन्न मोडलका मोटरसाइकल मध्ये क्रसफायरका दुई मोडल आरएम २५० र एचजे २५० को मूल्य वृद्धि भएको छ । नेपालका लागि क्रसफायर मोटरसाइकलको आधिकारिक वितरक क्लासिक ह्विल एक्सपोर्ट एन्ड इमपोर्टले यी दुई मोटरसाइकलको मूल्यमा क्रमशः ३५ हजार र १० हजार रुपैयाँले वृद्धि भएको जानकारी दिएको छ ।

अब आरएम २५० को मूल्य ७ लाख २५ हजार र एचजे २५० को मूल्य ६ लाख ५५ हजार रुपैयाँ पुगेको छ । यो भन्दा पहिले यी दुई मोटरसाइकलको मूल्य क्रमशः ६ लाख ९५ हजार र ६ लाख ४५ हजार रुपैयाँ थियो । नयाँ मूल्य आजै देखि लागू हुनेछ ।

कम्पनीले गत साता नै यी दुई मोटरसाइकलको मूल्य वृद्धि हुने अग्रिम जानकारी दिइसकेको थियो ।

डर्ट बाइक सेग्मेन्टमा राम्रो प्रभाव पार्न सफल क्रसफायरका हाल आरएम, एचजे र जीआर७ गरी ३ वटा मोडल उपलब्ध छन् । जसमध्ये जीआरको भने पुरानै मूल्य कायम गरिनेछ । यो बाइकको मूल्य हाल ५ लाख ४५ हजार रुपैयाँ निर्धारण गरिएको छ ।