सुजुकीले धुवाँरहित बाइक र स्कुटर ल्याउँदै

जापानी कम्पनी सुजुकीले आफ्नो पहिलो इलेक्ट्रिक टु ह्विल लन्च गर्ने घोषणा गरेको छ । हाल कम्पनीले यसको परीक्षण गरिरहेको छ ।

सुजुकीले सबैभन्दा पहिला आफ्नो लोकप्रिय ब्रान्ड र सबैभन्दा धेरै बिक्री हुने स्कुटर एक्सेस लन्च गर्ने सम्भावना छ । एक्सेस पेट्रोल इन्जिनको रूपमा बर्गम्यान भन्दा बढी किफायती छ ।

कम्पनीले सन् २०३० सम्ममा आफ्नो टु ह्विल सवारी साधनमा ८ मोडल समावेश गर्ने पनि घोषणा गरेको छ । यद्यपि, कम्पनीले चाँडै नै पेट्रोल सवारी साधनको बिक्री पनि गर्नेछ । सुजुकीले फ्युल र इलेक्ट्रिक पोर्टफोलियोमा आगामी ७ वर्षमा ७५ः२५ को अनुपातमा इलेक्ट्रिक र पेट्रोल इन्जिन ल्याउनेछ ।

सुजुकीले आफ्नो इलेक्ट्रिक रेन्जमा पहिले कुन बाइक लन्च गर्ने भन्ने जानकारी नभए तापनि पहिले इलेक्ट्रिक जिक्सर लन्च गर्न सक्ने अनुमान गरिएको छ । तर, सुजुकीले भारतमा बर्गम्यान म्याक्सी स्कुटरको नयाँ भेरिएन्ट लन्च गर्न सक्नेछ । कम्पनीले बर्गम्यान स्ट्रिट स्कुटरको टिजर पनि सार्वजनिक गरेको छ ।

सुजुकी बर्गम्यानमा एड्भान्स फिचर उपलब्ध छ तर नयाँ स्कुटरमा थप नयाँ फिचरसहित डिजाइन पनि परिवर्तन गर्ने अपेक्षा गरिएको छ । अपडेट बर्गम्यान यूकेको बजारमा बर्गम्यान स्ट्रिट १२५ईएक्सको नामले बिक्री भइरहेको छ । भारतमा पनि नयाँ बर्गम्यान स्ट्रिट सोही नाममा लन्च अपेक्षा गरिएको छ ।

नेपालमा भने त्यसपछि उपलब्ध हुन सक्ने छ ।