सफलताका साथ सम्पन्न भयो एमएडब्लु वृद्धिको पोखरा एक्सचेन्ज एन्ड टेस्ट ड्राइभ

पोखरा – एमएडब्लु वृद्धिले पोखरामा आयोजना गरेको एक्सचेन्ज एन्ड टेस्ट ड्राइभ क्याम्प सफलताका साथ सम्पन्न भएको छ । पोेखरा इभेन्ट सेन्टरमा तीन दिनसम्म चलेको क्याम्पमा गण्डकी क्षेत्रका ग्राहकहरुले नामी, सेरेस र दिपल ईभीको एक्सपेरियन्स गरेका थिए ।

ईभीप्रेमीहरुले तीन ब्रान्डका ईभीका इनोभेटिभ फिचर, लक्जरी र पर्फमेन्सबारे जानकारी लिनुका साथै टेस्ट ड्राइभ गरे । पोखराबाट भएको यो प्रतिक्रियाले यो क्षेत्रमा इलेक्ट्रिक सवारीसाधनको बढ्दो रुचिलाई प्रदर्शन गरेको छ ।

यो विशेष कार्यक्रममा इलेक्ट्रिक सवारीसाधनमा चाख राख्ने गण्डकीका ग्राहकले काठमाडौंका टप ३ रिकन्डिसन हाउसबाट अभुतपूर्व ‘एक्सचेन्ज भ्यालु’ र एमएडब्लु वृद्धिबाट बेजोड ‘एक्सचेन्ज बोनस’को फाइदा उठाउँदै नयाँ पुस्ताको इलेक्ट्रिक कार खरिद गरेका थिए ।

एमएडब्लु वृद्धिले ग्राहकहरुको सहभागिता र रुचिका लागि धन्यवाद प्रकट गरेको छ ।

गत साता पोखरामा भव्य समारोहबीच एमएडब्लु वृद्धिले आफ्नो लोकप्रिय ईभी ब्रान्ड दिपल र नामीलाई सार्वजनिक गरेको थियो ।