पेट्रोनस लुब्रिकेन्टको रिटेलर तथा मेकानिक्स मिट सम्पन्न

काठमाडौं – पेट्रोनस लुब्रिकेन्टको नेपालका लागि आधिकारिक विक्रेता त्रिथुंगा ट्रेडिङ कन्सर्नले प्रशंसा अटोसँगको सहकार्यमा वाग्मती प्रदेश स्तरिय रिटेलर तथा मेकानिक्स मिट सम्पन्न गरेको छ । शनिबार काठमाडौंमा एक कार्यक्रमको आयोजना गरी सो मिट सम्पन्न भएको हो ।

कार्यक्रममा नाडा अटोमोबाइल्स एसोसिएसन अफ नेपालका उपाध्यक्ष सुनिल रिजाल प्रमुख अतिथि थिए भने विशेष अतिथि नेपाल अटो मेकानिक्स व्यवसायी संघका निवर्तमान अध्यक्ष ठाकुर प्रसाद न्यौपाने रहेका थिए । प्रशंसा अटोका प्रबन्ध निर्देशक मनिश नगरकोटीको सभापतित्वमा सम्पन्न सो कार्यक्रममा वाग्मती प्रदेशका एक सय जना भन्दा बढी रिटेलर तथा मेकानिक्सको उपस्थिति रहेको थियो ।

कार्यक्रमा त्रिथुंगा ट्रेडिङ कन्सर्नका बिजनेश हेड श्याम पाण्डे, नेसनल सेल्स हेड अभिषेक अधिकारी, इन्डस्ट्रियल हेड पदम राना लगायतले रिटेलर तथा मेकानिक्सलाई कम्पनीको राष्ट्रिय तथा अन्तर्राष्ट्रिय बजार र लुब्रिकेन्टको गुणस्तरका बारेमा जानकारी दिएका थिए ।

पेट्रोनस लुब्रिकेन्ट सन् २०१२ देखि नेपाली बजारमा उपलब्ध छ । नेपालमा बतास अर्गनाइजेसन अन्तर्गतको त्रिथुंगा ट्रेडिङ कन्सर्नले पेट्रोनस लुब्रिकेन्ट बिक्री–वितरण गरिरहेको छ । पेट्रोनस लुब्रिकेन्ट फर्मुला वान, डकार र्याली र मोटोजिपी जस्ता मोटर स्पोर्ट्स गेममा समेत प्रयोग गरिन्छ ।