पेट्रोनास लुब्रिकेन्ट्सको मेकानिक मिट र अन्तरक्रिया कार्यक्रम सम्पन्न

पेट्रोनास लुब्रिकेन्ट्सले मेकानिक्ससंग अन्तरक्रिया गरेको छ । नेपालका लागि आधिकारिक बिक्रेता त्रिथुंगा ट्रेडिङ प्रालिको आयोजना तथा कालिका ट्रेड सप्लायर्सको संयोजनमा बिर्तामोडमा मेकानिक मिट सम्पन्न भएको हो ।

बिर्तामोड उद्योग वाणिज्य संघका वरिष्ठ उपाध्यक्ष राजु न्यौपानेको प्रमुख आतिथ्य तथा कालिका ट्रेड सप्लायर्सका प्रबन्ध निर्देशक डम्बर थापाको अध्यक्षता रहेको कार्यक्रममा बिर्तामोड , मेचीनगर , बुद्धशान्ति र भद्रपुरका मेकानिकहरुको सहभागिता रहेको थियो ।

कार्यक्रममा त्रिथुंगा ट्रेडिङ प्रालिका नेशनल सेल्स हेड अभिशेख अधिकारी र कोशी प्रदेश हेड रामदास भट्टराईले सहजीकरण गरेका थिए । उनीहरुको अन्तर्राष्ट्रिय स्तरको उत्पादन भएकाले पेट्रोनस लुब्रिकेन्टस् नै प्रयोग गर्न र गराउन आग्रह गरेका थिए ।

कार्यक्रममा नेपाल अटो मेकानिक ट्रेड युनियनका ऋषि पौडेल, बिर्तामोड उद्योग वाणिज्य संघका सचिव कुशल खतिवडा लगायतको उपस्थिति रहेको थियो ।