पारमाउन्ट मोटर्सले थप्यो एक्सचेन्ज क्याम्पको अवधी, २८ गतेसम्म सञ्चालन हुने

काठमाडौं – पारमाउन्ट मोटर्सले आयोजना गरेको मल्टिब्रान्ड ‘एक्सचेन्ज एन्ड अपग्रेड क्याम्प कात्तिक २८ गतेसम्म सञ्चालन हुने भएको छ । यसअघि २३ गतेसम्मका लागि आयोजना गरेको क्याम्पमा ग्राहकको आकर्षण बढेपछि ५ दिन थपेर २८ गतेसम्म पुर्याइएको हो ।

यसअघि एलिस रिसेप्सनमा समेत आयोजना भएको क्याम्प अव भने देशभरका शोरुम हरुमा मात्र सञ्चालन हुने जनाइएको छ । पारामाउन्ट मोटर्समार्फत बिक्री हुने एमजी, आईएम६, वुलिङ, माज्दा र म्याक्सस ब्रान्डको शोरुम भ्रमण गरी ग्राहकले नयाँ गाडी खरिद तथा एक्सचेन्जमा बिभिन्न फाइदा लिन सक्ने छन् ।

क्याम्पमार्फत ग्राहकहरूले आफ्ना सवारीसाधनलाई १५ लाख रुपैयाँ सम्मको विशेष लाभसहित अपग्रेड गर्ने अवसर पाउने छन् भने सहज फाइनान्स सुविधा, आकर्षक नगद छुट र पुराना गाडीको उच्च मूल्याङ्कनसहितको एक्सचेन्ज अफरहरू समेत उपलब्ध गराइएको छ ।