साँझ ६ बजे देखि सवारी चालक अनुमति पत्रको अनलाइन आवेदन प्रणाली शुरु हुने, यसरी दिन सकिन्छ आवेदन

काठमाडौं – नयाँ सवारी चालक अनुमति पत्र लिनका लागि आज साँझ ६ बजे देखि अनलाइन आवेदन दिन सकिने भएको छ । यातायात व्यवस्था विभागले एक सूचना प्रकाशित गरी यसको जानकारी दिएको हो ।

सवारी चालक अनुमति पत्रका लागि applydl.dotm.gov.np लगइन गरी नयाँ आवेदन भर्न सकिने छ । यो भन्दा पहिले परेका सबै आवेदनहरु रद्द गरिएका छन् ।

त्यसैगरी वर्ग थप गराउनका लागि भने अर्को हप्ताको सोमबारबाट मात्र आवेदन खुला हुने बताइएको छ ।

विगतमा फारम भरेको एक वर्षभन्दा बढी समयसम्म परीक्षाको पालो नआउने गरेकामा त्यो हटाएर केही दिनमा नै पालो आउने व्यवस्था मिलाइने विभागले बताउँदै आएको छ ।