अनलाइनबाटै बिलबुक नवीकरण गर्न सकिने

काठमाडौं - सरकारले आगामी आर्थिक वर्षमा अनलाइनबाटै बिलबुक नवीकरण गर्न सकिने व्यवस्था गर्ने भएको छ । आर्थिक वर्ष २०७८/७९ को बजेट प्रस्तुत गर्दै अर्थमन्त्री विष्णु प्रसाद पौडेलले यस्तो बताएका हुन् ।

अर्थमन्त्री पौडेलले कित्ता काट, मालपोत, नापी सम्बन्धी सेवा र बिलबुक नवीकरण सुविधा विद्युतीय माध्यमबाट उपलब्ध गराइने बताए ।

बिलबुक नवीकरण गर्नका लागि कार्यालयमै जानुपर्ने भएकाले हाल धेरैले कठिनाईको सामना गर्नु परेको छ । हाल निषेधाज्ञाको समयमा झन् यो कार्य निकै नै असहज भएको छ ।