५० हजार माइलस्टोन पुगेको उपलक्ष्यमा एनटर्कियन राइडको आयोजना गरिदै

काठमाडौं – टीभीएस मोटर कम्पनीको आधिकारिक वितरक जगदम्बा मोटर्स प्रालिले एनटर्क परिवारमा ५० हजार सदस्यहरु पुगेको माइलस्टोनलाई मनाउनको लागि सबै एनटर्कियनको निम्ति एक सेलिब्रेसन राइडको आयोजन गर्ने भएको छ ।

उक्त राइड कार्यक्रम असोज १६ गते शनिबार नक्सालको टीभीएस शोरुम देखि धुलिखेलको मिराबेल रिसर्ट होटल सम्म हुने छ । भेन्युमा पुगे लगत्तै लाइभ म्युजिक, मनोरन्जक खेलहरु र सहभागीहरुसँग एक अन्तरक्रियात्मक सत्रको पनि आयोजना गरिने छ ।

यो सेलिब्रेसनको मुख्य उद्देश्य भनेको सबै एनटर्कियनहरुलाई एकै ठाउँमा ल्याउने र एक एनटर्कियन क्लबको गठन गर्नु हो । यसले सबै राइडरहरुलाई एक अर्कासँग जोड्नका लागि र आफ्नो एनटर्कियन अनुभव एक अर्कासँग बाडँ्न मद्दत गर्नेछ ।

लाइसेन्स भएका सबै एनटर्कियनहरुले जगदम्बा मोटर्स टीभीएसको आधिकारिक फेसबुक पेजको माध्यमबाट अनलाइन दर्ता गरेर उक्त सेलिब्रेसन राइडमा भाग लिन सक्नेछन् । यो राइड सबै सुरक्षा प्रोटोकलहरुलाई अप्नाएर आयोजना गरिदैछ ।

जगदम्बा मोटर्सका उपाध्यक्ष दीपक अग्रवाल टीभीएस परिवारमा ५० हजार सदस्यहरु पुगेको घोषणा गर्न पाउँदा अत्यन्तै खुशी व्यक्त गर्दै सबै एनटर्क राइडरहरुलाई हार्दिक बधाई दिएका छन् । उनले यही संख्याको थप सँगै राइडरहरुका लागि एक सन्तोषजनक अनुभव प्रदान गर्न कम्पनी प्रतिबद्ध भएको बताए । एनटिर्कयनहरुले यसको पूर्ण आनन्द लिने र उनीहरुको हरेक यात्रा आनन्दमय हुने विश्वास उनले व्यक्त गरे ।

सन् २०१८ मा टीभीएस एनटर्क १२५ नेपालमा पहिलो ब्लुटुथ जडान गरिएको स्कुटरको रुपमा सुरु गरिएको थियो र त्यहाँ देखि यसले सधैँ आºनो स्थान सुनिश्चित राखेको छ। हेर्दा राम्रो र नयाँ टेक्नोलोजीले गर्दा यो छोटो समयमा सबै भन्दा बढी बिक्री हुने स्कुटर बन्न पुगेको छ । अहिले यो यसको इन्डस्ट्रि फस्ट टेक्नोलोजी, बेजोड शैली र उच्च प्रविधिले गर्दा बजारमा उत्कृष्ट प्रदर्शनको पर्यायवाची भएको छ ।

नेपाली बजारमा टीभीएस एनटर्क पाँच मोडलमा रहेका छन् जसमा एनटर्क ड्रम, एनटर्क डिस्क, एनटर्क रेस एडिसन, एनटर्क स्क्वाड एडिसन र एनटर्क आरटिएफआई पर्दछन् । जगदम्बा मोटर्सले केही समय पहिले नै नेपाली बजारमा ५० हजार एनटर्क स्कुटर बिक्री भएको घोषणा गरिसकेको छ ।