यी सवारी साधनलाई जोर विजोर प्रणाली लागू नहुने

काठमाडौं – काठमाडौं उपत्यकामा आज रातीदेखि जोर विजोर प्रणाली अनुसार सवारी साधन सञ्चालन हुँदैछ । यस अनुसार सार्वजनिक र निजी सवारी साधनहरु (दुई पांग्रे सहित) जिल्ला भित्र जोर गते जोर र विजोर गते विजोर नम्बर प्रणालीमा सञ्चालन गर्ने गरी जिल्ला प्रशासन कार्यालयहरुले सूचना जारी गरेका छन् ।

यद्यपि केही सवारी साधनलाई यो नियम लागू नहुने गरी सवारी साधन सञ्चालन सम्बन्धमा आज थप स्पष्टता सहितको जानकारी सार्वजनिक भएको छ । यस अनुसार औषधि एवं स्वास्थ्य सामग्री बोकेका सवारी साधन, एम्बुलेन्स, दमकल, शववाहन आदिलाई यो नियम लागू हुने छैन ।

त्यसैगरी विभिन्न प्रकारका ढुवानीमा प्रयोग हुने सवारी साधन, परिचय पत्रको आधारमा विभिन्न निकायका कर्मचारी र पत्रकारहरुका लागि सवारी साधन सञ्चालन गर्न पाइने नियम छ ।

त्यसैगरी सरकारी र कुटनैतिक नियोगका सवारी साधन पनि निर्वाध रुपमा चल्न पाउने छन् ।