जानौ किया मोटर्सका ९ महत्वपूर्ण तथ्य

किया कोरियाली कार निर्माता कम्पनी हो । यो दक्षिण कोरियाको दोस्रो ठूलो कार निर्माता कम्पनी हो । युरोपेली र जापनिज कार निर्माता कम्पनीको बर्चस्व रहेको समयमा किया नयाँ ब्रान्डको रुपमा स्थापित भएको थियो । कियाले विश्वका विभिन्न देशमा कार पार्ट्स समेत उपलब्ध गराउँछ ।

किया मोटर्सको वारेमा ९ महत्वपूर्ण तथ्य हेरौ ।

१. किया विश्वकै चौथो ठूलो कार निर्माता कम्पनी हुन्डाईको सहायक कम्पनी हो ।

२. किया दक्षिण कोरियाको सबैभन्दा पुरानो कम्पनी हो । सन् १९४४ को डिसेम्बर ११ मा किया मोटर्सको स्थापना भएको थियो । त्यतिबेला कोरिया जापानको अधिनमा थियो । शुरुमा कियाले मोटरसाइकल र साइकल उत्पादन गथ्र्यो । ७० को दशकमा कियाले पहिलो कार र ट्रक लन्च गरेको थियो ।

४. किया मोटर्सले दक्षिण कोरियामा स्थापना गरेको एसेम्बली फ्याक्ट्री विश्वकै सबैभन्दा ठूलो कार एसेम्बली फ्याक्ट्री हो । ह्वासुङमा अवस्थित म्यानुफ्याक्चरिङ प्लान्टबाट प्रतिघण्टा ११४ कार उत्पादन हुन्छन् ।

४. कियाले दक्षिण कोरियाका लागि मिलिटरी भेइकल उत्पादन गर्छ । हाल कियाले केसर जिप एम७–१५ टाइपको गाडी मिलिटरीका लागि उपलब्ध गराइरहेको छ ।

५. किया मोटर्सको स्लोगन ‘मुभमेन्ट द्याट इन्स्पायर’ हो । त्यसैगरी ‘स्पिरिटेड, ह्युमन रिभर र च्यालेन्जर’ लाई समेत कियाले ब्रान्डिङ गरेको छ । यसबाट कम्पनीले ग्राहकलाई फरक अनुभव प्रदान गर्न चाहन्छ भन्ने सन्देश दिन्छ ।

६. कियाले विशेष गरी युरोपेली अटो बजारलाई केन्द्रीत गर्ने नीति सन् २००५ पश्चात लिएको छ र यो निकै नै लोकप्रिय पनि बनेको छ । यसका लागि जर्मन कार डिजाइनर पिटर श्रेयरलाई चिफ डिजाइन अफिसरको रुपमा लिएको छ । उनले औडी टीटीको डिजाइन गरेका थिए र फक्सवागनसँग पनि सम्बन्धित थिए । कियाका स्टाइलिस रेन्जका कार सबै उनले नै डिजाइन गर्छन् ।

७. कियाको आफ्नै युनिक डिजाइन फिलोसोफी छ । स्टेट–अफ–आर्ट इन्टेरियर, इर्गोनोमिक डिजाइन र लेटेस्ट टेक्नोलोजिकल इनोभेसनका लागि किया कार परिचित छन् । किया मोटर्सको नयाँ डिजाइन फिलोसोफी ‘अपोजिट्स युनाइटेड’ मानिन्छ । यसै अनुसार कम्पनीले विभिन्न फरक डिजाइनका साथ कार उत्पादन गर्दै आएको छ ।

८. किया नामकरण सिनो–कोरियन भाषाबाट आएको हो । यसमा केआई अर्थात ‘कि’ को अर्थ कम आउट अर्थात वाहिर आउनु र ‘ए’ को अर्थ पूर्व अर्थात पूर्वी एसिया हुन्छ । यसको अर्थ पूर्वबाट आएको भन्ने हुन्छ ।

९. कियाले धेरै प्रतिष्ठित पुरस्कारहरु जितेको छ । फ्युल इफिसियन्सी, म्यानुफ्याक्चरिङ र इन्जिनियरिङको क्षेत्रमा दिइने धेरै पुरस्कार कियाले पाएको छ । कियाले धेरै पटक बेस्ट ग्लोबल ब्रान्ड, हाइएस्ट ¥याङ्क्ड मास–मार्केट ब्रान्ड लगायतका विभिन्न पुरस्कार पाएको छ ।