तयार भयो टिग्वानको नयाँ मोडल, अर्को वर्ष लन्च हुने तयारी

जर्मन अटो निर्माता फक्सवागनले टिग्वानको नेक्स्ट जेन मोडल तयार पारेको छ । यो नयाँ मोडलको अहिले विभन्न चरणमा टेष्ट भैरहेको जनाइएको छ । पूर्णत नयाँ लुक्स तथा डिजाइनका साथ बजारमा आउने तयारी भैरहेको नयाँ एसयूभीमा कम्पनीले हाल कारोवार भैरहेको टिग्वानको तुलनामा थप सार्प र नयाँ वम्पर उपलब्ध गराउनेछ ।

नयाँ टिग्वानमा पहिलेको भन्दा ठूलो ह्विल वेस उपलब्ध हुने निश्चत भैसकेको छ । जसले क्याविन स्पेस थप फराकिलो र आरामदायी वनाउन मद्धत गर्नेछ । साथै फिचर्स र अन्य इक्विपमेन्टमा समेत व्यापक अपडेट हुने कम्पनीले जनाएको छ ।

पावरट्रेन र पर्फमेन्स भने पुरानै मोडललाई निरन्तरता दिइने देखिएको छ । यो एसयूभी हाल पेट्रोल, प्लग इन हाइव्रिड र डिजेल गरी कुल तीनवटा इन्जिन अप्सनमा उपलब्ध रहँदै आएकोमा नयाँ मोडलल पनि यहि तीन अप्सनमा उपलब्ध हुनेछ ।

टिग्वान नेपाली बजारमा समेत उपलब्ध रहँदै आएको प्रिमिय एसयूभी हो । यो एसयूभीमा जडान गरिएको २.० लिटर टिएसआई पेट्रोल इन्जिनले १९० एचपी पावर दिने दावी छ । अन्तराष्ट्रिय बजारमा यो नयाँ एसयूभी अर्को वर्ष लन्च हुने वताइएको छ ।