सुजुकी भिटारा ब्रेजा अब नेक्स्ट जेनेरेसन मोडलमा आउने, थप शक्तिशाली र फिचर लोडेड हुने

मारुती सुजुकीले आउँदो समयमा केही लोकप्रिय कारको नेक्स्ट जेनेरेशन मोडेल लन्च गर्ने भएको छ । कम्पनीको पोर्टफोलियोमा नयाँ मारुती सुजुकी भिटारा ब्रेजा पनि समावेश रहेको छ । जसलाई अर्को वर्षको सुरुवातमा लन्च गर्ने भएको छ ।

यसको लुक र फिचर हाल उपलब्ध मोडल भन्दा बिल्कुल फरक हुनेछ । मिडिया रिपोर्टका अनुसार सब–कम्प्याक्ट एसयूभी सेगमेन्टको नेक्स्ट जेनेरेसन मारुती सुजुकी भिटारा ब्रेजा फेब्रुअरी २०२२ मा लन्च गर्ने सम्भावना रहेको छ ।

नेक्स्ट जेनेरेसन मारुती सुजुकी भिटारा ब्रेजामा हाल उपलब्ध मारुती ब्रेजाका तुलनामा धेरै परिवर्तन देख्न सकिने छ । मिडिया रिपोर्टका अनुसार नयाँ भिटारा ब्रेजा ४८भी एसएचभीएस हाइब्रिड सिस्टमको साथमा उपलब्ध हुनेछ । सो इन्जिन हाल उपलब्ध भेरिएन्ट भन्दा अधिक शक्तिशाली र पावरफुल हुनेछ ।

नयाँ भिटारा ब्रेजामा १.५ लिटर नेचुरली एस्पिरेटेड ४ सिलिन्डर पेट्रोल इन्जिन समावेश गरिने छ । जसले १०४ बीएचपीको पावर जेनेरेट गर्छ । साथै सो एसयूभीमा ५ स्पिड म्यानुअल र ६ स्पिड अटोमेटिक ट्रान्समिसनको विकल्प रहेको छ ।

नयाँ जेनेरेसन मारुती ब्रेजा हार्टटेक प्लेटफर्ममा विकसित गरिनेछ । साथै यसमा सेफ्टी फिचर र स्टेबिलिटीको साथमा पावरफुल बडी प्यानल जोडिएको छ । नयाँ भिटारा ब्रेजामा नयाँ डिजाइनको ग्रिल, हेडल्याम्प र डिआरएल जडान गरिएको छ । यसको पछाडि र अगाडि धेरै परिवर्तन देखिने छैन ।

अनुमानित रिपोर्ट अनुसार नयाँ ब्रेजामा कनेक्टेड कार टेक्नोलोजी र एड्भान्स ड्राइभर असिस्टेन्स सिस्टम पनि देख्न सकिनेछ । यी सबै सम्भावित फिचरको कारणले गर्दा नयाँ ब्रेजा पुराना मोडलको तुलनामा महँगो हुनेछ ।