पुरै नयाँ डिजाइनमा आउने भयो हुन्डाई आई२०, पहिलो टिजर सार्बजनिक

हुण्डाईले नेक्स्ट–जेन आई२० को पहिलो टिजर इमेज सार्बजनिक गरेको छ । अर्को महिना ग्लोवल डेब्यू गर्ने तयारीमा रहेको यस कारको त्यसअघि नै टिजर सार्बजनिक गरिएको हो ।

चौथो पुस्तासम्म आइपुग्दा हुन्डाईको लोकप्रिय प्रिमियम ह्याचब्याक पुरै नयाँ डिजाइन र प्रिमियम फिचरले सुसज्जित भएर आउने अनुमान गरिएको छ । जारी टिजरमा देखाइए अनुसार, यसको डिजाइन नै सबैभन्दा ठुलो सरप्राइज बन्ने देखिन्छ । कारमा एरोहेड आकारको एलईडी हेडल्याम्प र वाई आकारको एलईडी डीआरएललाई एलईडी लाइट बारद्वारा जोडिएको छ ।

नयाँ आई २० मा घुमाउरो डिस्प्लेयुक्त डुअल स्क्रिनका साथ परै नयाँ इन्टेरियर रिप्लेट हुने अपेक्षा गरिएको छ । कारमा ३६०–डिग्री क्यामेरा र एडास फिचर समेत उपलब्ध हनसक्ने अनुमान गरिएको छ ।

पेट्रोल र माइल्ड हाइब्रिड पेट्रोल इन्जिन विकल्पमा उपलब्ध हुने अपेक्षा गरिएको यस कारलाई हुन्डाईले निकट भविष्यमा ईभी भर्सनमा समेत उतार्ने योजना बनाएको छ ।

अन्तराष्ट्रिय बजारमा औपचारिक लन्च भएपछि नयाँ आई२० भारतिय बजारमा समेत उपलब्ध हुने र लगत्तै नेपाल समेत भित्रिने अनुमान गर्न सकिन्छ । भारतिय सडकमा यसअघि नै यसको रोड टेष्ट भइसकेको छ । भारतमा यो १.२ लिटर पेट्रोल र १.० लिटर टर्बो पेट्रोल इन्जिन अप्सनमा उपलब्ध हुनेछ ।