क्रसफायरको अफर एक साता थप : बैशाख १६ सम्म मोटरसाइकल किन्दा यस्तो फाइदा

काठमाडौं – क्रसफायर मोटरसाइकलको नेपालका लागि आधिकारिक बितरक क्लासिक ह्विल्स एक्सपोर्ट एन्ड इम्पोर्ट प्रालिले नयाँ वर्ष लक्षित आफरलाई थप एक साता बढाएको छ ।

पहिले बैशाख ११ सम्मका लागि मात्र सो अफर उपलब्ध भएकोमा ग्राहकको धेरै माग भएकाले थप एक साता अफर अवधि बढाइएको कम्पनीले बताएको छ ।

उक्त अफर अन्तर्गत क्रसफायर र इटालिका मोटो स्कुटर खरिद गर्ने ग्राहकले ५० हजारसम्म नगद छुट, फाइनान्समा २.७९ प्रतिशत व्याज, १५ हजार रुपैयाँ वारावरको निशुल्क एसेसरिज, एक्सचेन्जमा २५ हजार रुपैयाँसम्मको अतिरिक्त मूल्यांकन, निशुल्क टुर प्याकेज र बम्परमा १ लाख ५० हजार रुपैयाँसम्म जित्न सकिने अवसर पाउनेछन् ।

फाइनान्स सुबिधामा मोटरसाइकल खरिद गर्न चाहने ग्राहकले ५ लाख भन्दा बढीको मोटरसाइकल खरिद गर्दा ६० प्रतिशत डाउनपेमेन्ट गर्नुपर्ने र बाँकी ४० प्रतिशतमा २.७९ प्रतिशत व्याजदर लाग्ने कम्पनीले जनाएको छ । त्यसैगरी ५ लाख भन्दा कम मूल्यको बाइक खरिद गर्दा ५० प्रतिशत डाउनपेमेन्ट र बाँकी रकममा सोही दरको व्याज लाग्नेछ ।

नगदमा खरिद गर्दा भने स्क्र्याच कुपनमार्फत १० हजार देखि ५० हजार रुपैयाँसम्म नगद छुट र १५ हजार रुपैयाँ बरावरको एसेसोरिज निशुल्क पाउन सकिने बताइएको छ । साथै एक्सचेन्जमा २५ हजार रुपैयाँको अतिरिक्त मुलयांकन दिइनेछ ।

हरेक हप्ता लक्की ड्रमार्फत विजयी हुने २ जना ग्राहकलाई पोखराको होटल हिमालयन फ्रन्टमा २ रात वस्न मिल्ने सुबधा र बम्परमा एकजना भाग्यशाली बिजेताले १ लाख ५० हजार रुपैयाँ नगद पाउने कम्पनीको भनाइ छ ।