नयाँ मारुती सुजुकी भिटारा एसयूभी आउदै, क्रेटा र सेल्टोससँग प्रतिस्पर्धा गर्ने

मिड साइज एसयूभीको बिक्री बढ्दै गएको छ, लगभग सबै अटोमोबाइल कम्पनीले सो सेगमेन्टमा नयाँ नयाँ कार लन्च गरिरहेको छ । मिड साइज एसयूभी सेगमेन्टमा बेस्ट सेलिङ कार मारुती सुजुकी भिटारा ब्रेजा पछि मारुती सुजुकीले आउँदो समयमा एक शानदार एसयूभी लन्च गर्ने भएको छ । जसको नाम मारुती सुजुकी भिटारा राखिएको छ । हालै सो कारको फोटो सोसल मिडियामा लिक भएको छ ।

मारुती सुजुकी भिटारा एसयूभी कम्पनीको प्रिमियम मिड साइज एसयूभी मारुती सुजुकी एसक्रसको रिप्लेसमेन्ट मानिन्छ । मारुती सुजुकी र टोयोटाको संयुक्त प्रयासमा सी–सेगमेन्ट एसयूभी विशेष गरी भारतीय सडकको लागि निर्माण गरिदैछ । उक्त एसयूभी हुन्डाई क्रेटा, किया सेल्टोस, महिन्द्रा एक्सयूभी ७००, टाटा हेरियर र स्कोडा कुशाकका साथै फक्सवागनको नयाँ कार टाइगुन जस्ता कारसँग प्रतिस्पर्धा गर्नेछ । हाल बजारमा मारुती सुजुकी भिटारा ब्रेजा बिक्री भइरहेको छ ।

न्यु जेनेरेशन मारुती सुजुकी भिटारा एसयूभीको लुक र डिजाइनमा भिटारा ब्रेजा, एसक्रस र टोयोटा अर्बन क्रुजरको झलक देख्न सकिन्छ । यो हाल उपलब्ध भिटारा ब्रेजा भन्दा ठूलो र आकर्षक एसयूभी हुनेछ । कम्पनीले यसमा १.५ लिटर के– सिरीज पेट्रोल इन्जिन समावेश गर्ने सम्भावना रहेको छ ।

नयाँ भिटाराको फिचर लेटेस्ट हुनेछ । यसमा कनेक्टेड कार टेक्नोलोजीको साथै नयाँ एड्भान्स सेफ्टी फिचर पनि देख्न सकिनेछ । मारुती सुजुकीको सो नेक्स्ट जेनेरेशन एसयूभीको मूल्य १० लाख भारु भन्दा बढी मूल्यमा उपलब्ध हुने सम्भावना रहेको छ ।