यस्ता छन् होन्डाले ल्याएका दुई नयाँ इलेक्ट्रिक एसयूभी

जापानी कार निर्माता कम्पनी होन्डाले दुईवटा इलेक्ट्रिक कार एलएस२ र एनपी२ प्रस्तुत गरेको छ । अमेरिकाको लस एन्जेलसमा सम्पन्न भएको सीईएस २०२४ पछि सो इलेक्ट्रिक कार पेश गरिएको हो । सो इलेक्ट्रिक कार विशेषगरी चिनिया बजारको लागि तयार पारिएको हो । यी दुबै मोडल यही वर्षदेखि चीनमा बिक्रीको लागि उपलब्ध हुनेछ ।

डोङफेङद्वारा निर्मित ईःएनएस २ मा एलईडी डेटाइम रनिङ ल्याम्प समावेश छ जबकि जीएसीद्वारा निर्मित ईःएनपी२ मा होन्डाको नयाँ डिजाइन डिआरएल समावेश छ । यी दुबै मोडलमा फरक फरक डिजाइन समावेश गरिएको छ । यद्यपि इलेक्ट्रिक एनपी२ को डिजाइन सिभिकसँग मिल्दोजुल्दो छ । यी मोडलको अगाडि र पछाडिका बम्परमा फराकिलो होरिजेन्टल बार समावेश छ ।

होन्डाले सो नयाँ इलेक्ट्रिक कारमा ६८.८ किलोवाटको सिंगल मोटर जडान गरिएको छ, जसले २०४ हर्सपावर जेनेरेट गर्छ । दुवै मोडेलको ह्विलबेस २७३५ एमएम, चौडाइ १८४० एमएम र र उचाइ १५७० एमएम । यी दुबै मोडलको लम्बाइमा केही अन्तर छ । एनपी२ मोडलको लम्बाइ एनएस२ भन्दा १ एमएम लामो छ ।