चितवनमा टाटाको नयाँ शोरुम, टियागो इभी र पन्चको बिक्री सुरु

चितवन– टाटा मोटर्सले आफ्ना उत्पादन विक्रीवितरणका लागि भरतपुरमा नयाँ शोरुम सञ्चालनमा ल्याएको छ । टाटा मोटर्सको नेपालका लागि आधिकारिक बिक्रेता सिप्रदी ट्रेडिङ्गको स्थानिय वितरकका रुपमा एसएच मोटर्सले शुक्रबारदेखि शोरुम सञ्चालनमा ल्याएको हो । ३ हजार ५०० वर्गफिट क्षेत्रफलमा फैलिएको एसएच मोटर्स भरतपुरको रिजाल चोकमा अवस्थित रहेको छ । जहाँ टाटा मोटर्सका सम्पूर्ण रेन्जका कारहरु उपलब्ध हुने कम्पनीले जनाएको छ ।

सोरुम संचालनमा आएसंगै नेपालमा भर्खरै सार्वजनिक गरिएका टाटा पन्च र टियागो इभीको विक्रिवितरण भरतपुरमा सुरु भएको छ। कार्यक्रममा सिप्रदीको तर्फबाट पेसेन्जर सेगमेन्ट गाडीका प्रमुख सावन्तजङ्ग सिजापति र एसएच मोटर्सका व्यवस्थापकीय प्रमुख निर्देशक शर्मिला सेढाइको उपस्थिति रहेको थियो ।

‘टाटा मोटर्सका लागि महत्पूर्ण मानिएको भरतपुर बजारमा यस प्रकारको उच्चस्तरीय शोरुम सञ्चालनले कम्पनीको ग्राहकलाई उच्च सुविधा दिने हाम्रो प्रयत्नलाई सबल बनाएको छ । ग्राहकको सन्तुष्टि हाम्रो उच्च प्राथमिकता हो र सिप्रदी ट्रेडिङ्ग र एसएच मोटर्सको नेतृत्वमा यस शोरुमको सञ्चालनले यस क्षेत्रमा विक्री, सेवा र ग्राहक सन्तुष्टिको पाटोमा नयाँ आयाम आउने कुरामा हामी विश्वस्त छौं’ सिजापतीले भने ।

सिप्रदीले केहीदिन पहिले सम्पन्न नाडा अटो शोमा टियागो ईभी र पन्च माइक्रो एसयूभीलाई लन्च गरेको थियो । टियागो ईभीमा कार्य कुशलता, प्रविधि, विश्वास, चार्जिङ्ग र आराम, अत्याधुनिक टेलिम्याटिक्स, कन्ट्रयास्ट रुफ, पूर्ण स्वचालित क्लाइमेट कन्ट्रोल, प्रोजेक्टर अटो हेडल्याम्प जस्ता विशेषताहरु छन् । यो गाडीको इन्टेरिएर र एक्स्टेरिएर दुवैको बनावट पनि उत्कृष्ट एवं आकर्षक छ ।

त्यसैगरी, टाटाको “न्यु फरेभर” रेञ्ज अन्तर्गतको पन्चमा मनमोहक डिजाइन, विशेष कार्यक्षमता, फराकिलो इन्टेरिएर र पूर्ण सुरक्षा जस्ता विशेषताहरु पाउन सकिन्छ । पन्च हाल भारतीय बजारमा सबैभन्दा बढी विक्री भइरहेको सब कम्प्याक्ट एसयुभीका रुपमा पनि परिचित रहेको कम्पनीको भनाई छ ।