मारुती सुजुकीको नयाँ ह्याचब्याक सेलेरियोको नयाँ मोडल यही वर्ष लन्च हुने

मारुतीको ह्याचब्याक कार निकै लोकप्रिय छ । कम्पनीले चाँडै नै ह्याचब्याक सेलेरियोको नयाँ मोडल लन्च गर्ने योजना बनाइरहेको छ । सो कार भारतीय सडकमा परीक्षणको समयमा देखिएको छ ।

मारुतीले सेलेरियो २०१४ मा लन्च गरेको थियो । नयाँ सेलेरियो बक्सी र लामो हुनेछ । जसलाई हार्टेक प्लेटफर्ममा तयार पारिएको छ, जुन मारुती वागनआर, स्विफ्ट र डिजायरमा प्रयोग गरिएको थियो । नयाँ सेलेरियोमा पुरानो मोडलको तुलनामा हेडलाइट सानो र स्लिक समावेश गरिएको छ । साथै बम्परलाई नयाँ रुप दिनको लागि सुजुकी लोगोको साथमा फ्रन्ट ग्रिलमा क्रो स्ट्रिप उपलब्ध रहेको छ ।

नयाँ सेलेरियोमा अल न्यु इन्टेरियर समावेश गर्नेछ । यसमा म्यानुअल एसी, चार्जिङ सकेट र स्टोरेज स्पेस जस्ता फिचर समावेश गरिएको छ । सो ह्याचब्याकको साथमा पावर विन्डो पनि उपलब्ध रहेको छ । जसमा स्मार्टप्ले टचस्क्रिन इन्फोटेनमेन्ट सिस्टम हुनेछ जसले एन्ड्रोइड अटो र एप्पल कारप्ले सपोर्ट गर्छ । सेफ्टीको लागि सो कारमा स्ट्यान्डर्ड एबीएस, डुअल एयरब्याग, पार्किङ सेन्सर उपलब्ध रहेको छ ।

हाल उपलब्ध सेलेरियोमा पेट्रोल इन्जिनको मात्र विकल्प रहेको छ । नयाँ सेलेरियोमा पनि पेट्रोल इन्जिनको मात्र विकल्प रहेको छ । सो कारमा १.० लिटर, तीन सिलिन्डर नेचुरली एस्पिरेटेड पेट्रोल इन्जिन रहेको छ । जसले ६७ पीएसको पावर र ९० एनएमको टर्क जेनेरेट गर्छ । अनुमानित रिपोर्ट अनुसार सेलेरियोको टप भेरिएन्टमा १.२ लिटर पेट्रोल इन्जिनको साथमा पेश गर्नेछ । सो इन्जिन ८१ पीएस र ११३ एनएमको टर्क जेनेरेट गर्छ । सो दुई पेट्रोल इन्जिन ५ स्पिड म्यानुअल र ५ स्पिड एएमटी गियरबक्स विकल्पको साथमा उपलब्ध हुनेछ ।