जापानमा सार्वजनिक भयो उत्कृष्ट फिचर सहित ६६० सीसीको नयाँ सुजुकी अल्टो

सुजुकीले सुजुकी अल्टोको नवौं पुस्ताको मोडल जापानी बजारमा सार्वजनिक गरेको छ । यो कार ६६० सीसी, माइल्ड हाइब्रिड पेट्रोल इन्जिनसहित बजारमा ल्याइनेछ । यसबाहेक कारमा एक्टिभ ड्राइभर असिस्ट पनि दिइएको छ ।

यो जापानमा पहिले देखि नै उपलब्ध अल्टो केई भन्दा फरक बक्सी डिजाइनमा रहेको छ । त्यसैगरी यो पहिले जस्तो स्लिक पनि छैन ।

जापानमा ल्याइएको सुजुकी अल्टो केई भारत वा नेपालमा उपलब्ध मारुती सुजुकी अल्टो भन्दा फरक छ । नाम बाहेक दुई कार बीच कुनै समानता छैन । जापानमा कम्पनीले ७ वर्षपछि यो कारको नयाँ जेनेरेसन मोडल उपलब्ध गराएको हो । कारको आठौंं पुस्ताको मोडल सन् २०१४ मा सार्वजनिक गरिएको थियो ।

सुजुकी अल्टो नेपाल र भारतमा निकै लोकप्रिय छ । नयाँ अल्टोमा धेरै परिवर्तन सहित उपलब्ध गराइने छ । मिडिया रिपोर्टका अनुसार नयाँ मोडेल हार्टटेक प्लेटफर्ममा आधारित हुनेछ जुन वागनआर र एस–प्रेसोमा पनि प्रयोग भएको थियो । कारमा ६६० सीसी नेचुरल एस्पिरेटेड पेट्रोल इन्जिन दिइएको छ जसले ४९ बीएचपी पावर जेनेरेट गर्छ ।