ब्याज नलाग्ने स्किममा सुजुकी मोटरसाइकल र स्कुटर

सुजुकी मोटरसाइकलको नेपालका लागि आधिकारिक वितरक भीजी अटोमोवाइलले व्याज नलाग्ने स्किममा मोटरसाइकल र स्कुटर खरिद गर्न पाउने स्किम ल्याएको छ । सो नयाँ स्किम अन्तर्गत फाइनान्स सुविधामा वाइक खरिद गर्दा ग्राहकले व्याज वापतको रकम भुक्तानी गर्नुपर्ने छैन ।

साथै, ग्राहकले १० हजारसम्म नगद छुट, एक वर्षको रोड ट्याक्स निशुल्क, निशुल्क एसेसोरिज र एक्सचेन्जमा १० हजार रुपैयाँ अतिरिक्त मूल्यांकन समेत पाउने कम्पनीले जनाएको छ । स्किम सुजुकीको देशभर संचालनमा रहेका शोरुममा उपलब्ध हुनेछ ।

सुजुकीको हाल एक्सेस र वर्गम्यान स्कुटर तथा आधा दर्जन वढी मोडलका मोटरसाइकल उपलब्ध छन् । जीक्सर सिरीज सुजुकीको सवैभन्दा लोकप्रिय मोडल हो । सो मोटरसाइकल १५० र २५० सीसी क्षमतामा उपलब्ध छ ।

यसको मूल्य नेपाली बजारमा २ लाख ८४ हजारदेखी ५ लाख २ हजार रुपैयाँसम्म निर्धारण गरिएको छ । यसैगर हायतेलाई २ लाख २० हजार र इन्ट्रयुडरलाई ३ लाख ३० हजार पर्छ ।