२०७७ चैत ३० सोमबार,

राइड सेयरिङ सेवा गाडी एपले बुटवल र पोखराका साथ विभिन्न सहरमा ग-यो सेवा प्रारम्भ

Post adv
काठमाडौंमा दिन प्रतिदिन चर्चित हुँदै गएको राइड सेयरिङ प्लेटफर्म अब बुटवललगायत विभिन्न सहरमा पनि सुरु भएको छ । गाडी एप नामक राइड सेयरिङ सेवा बुटवलमा आजै देखि शुरु हुने भएको हो । गाडी एपले बुटवलसँगै पोखरा, नारायणगढ, झापा र धरानमा पनि एकैचोटि यो सेवा सुरु गर्न लागेको हो । यात्रुलाई एक ठाउँदेखि अर्को ठाउँसम्म पुग्न सस्तो, सुरक्षित र भरपर्दो हुने तथा बेरोजगार युवा–युवतीको लागि थोरै लगानीमै आम्दानीको नयाँ बाटो समेत खोलिने भएकोले यो एप काठमाडौंमा जस्तै अन्य जिल्लामा समेत उत्तिकै लोकप्रिय हुने अपेक्षा गरिएको कम्पनीको भनाइ छ । के हो राइड सेयरिङ प्लेटफर्म र कसरी काम गर्छ यसले ? केही वर्ष अगाडि भारतले नेपालमा नाकाबन्दी गर्दा नेपालमा पेट्रोलियम पदार्थको चरम अभाव भएको थियो । त्यो बेला थोरै गाडीमात्र चल्ने तर धेरैलाई आफ्नो गन्तव्यमा पुग्नु पर्ने हुनाले यदि सवारी धनी र अर्कों व्यक्तिलाई एकै ठाउँमा जानु पर्ने भए एकले अर्कोलाई लिफÞ्ट दिने र सहयोग गर्ने चलन चल्यो । र, सोही समस्यालाई अवसरको रुपमा देख्दै काठमाडौंमा टुटल नामक एप सुरु भयो । त्यसले एउटै गन्तव्यमा जानुपर्ने दुई जनालाई आफ्नो मोबाइल एपमार्फत जोड्ने प्रयास ग¥यो र यो सफल पनि भयो । त्यसपछि पठाओलगायत अन्य राइड सेयरिङ एपहरु पनि बजारमा आए । नाकाबन्दी हटेपनि काठमाडौं जस्तो जाम हुने ठाउँमा यो एउटा उचित समाधान भएकोले गर्दा चर्चित हुन पुग्यो । पहिले केही हजारले चलाउने यो एप प्रयोग गर्नेहरु अहिले लाखौंको सङ्ख्यामा छन् र धेरैजना यसबाट लाभान्वित पनि भएका छन् । यो प्लेटफर्ममा आफ्नो बाइक, ट्याक्सी, अटो, स्कर्पियो लगायत सवारी साधन रजिस्टर गर्न मिल्छ । बाइक चलाएर यसरी कमाउन सकिन्छ पैसा यो एप प्रयोग गर्नको लागि सर्वप्रथम प्लेस्टोरमा गएर गाडी पार्टनर्स भनेर सर्च गर्ने अथवा https://play.google.com/store/apps/details?id=com.kctech.gaadiipartners लिंकमा क्लिक गरेर मोबाइल एप डाउनलोड गर्न सकिनेछ । त्यसपछि रजिस्टरमा गएर आफ्नो इमेल, नाम, मोबाइल नम्बर र पासवर्ड टाइप गर्नुपर्ने छ । त्यसपछि आफनो नागरिकता, लाइसेन्स र आफ्नो गाडीको ब्लुबुकको फोटो खिचेर अपलोड गर्नुपर्नेछ । गाडी अथवा बाइक जसको नाममा भएपनि हुन्छ । त्यसपछि त्यो अकाउन्टलाई गाडी एपको टिमले चेक गर्ने छन् । यदि सबै विवरण ठिक भए एकाउन्ट खुल्नेछ र त्यसलाई प्रयोग गर्न मिल्नेछ । एकाउन्ट एप्रुभ भएपछि गाडी एपलाई ईसेवा अथवा खल्ती एपमार्फत २ सय रुपैयाँ डिपोजिट गर्नुपर्ने हुन्छ । त्यो डिपोजिट गर्दा ५० रुपैयाँ थप बोनस सहित २५० रुपैयाँ गाडी पार्टनर्स एपको वालेटमा आउनेछ । अब तपाईंले जति पनि राइड लिनुहुन्छ र पैसा कमाउनुहुन्छ्, प्रत्येक राइडको भाडा जति उठ्छ, त्यसको ८ प्रतिशत त्यहि वालेट देखि कट्दै जानेछ जुन गाडी पार्टनर्स एपको सेवा–शुल्क समेत रहेको छ । ग्राहकले पनि यही तरिकाले मोबाइल एप डाउनलोड गरेर सेवा उपभोग गर्न सक्छन् । महिलाहरुका लागि समेत यो निकै नै सुरक्षित भएको बताइएको छ । बाइकको लागि पहिलो एक किलोमिटर सम्म ४० रुपैयाँ र त्यसपछि प्रति किमी १५ रुपैयाँ थपिदै जानेछ । अटोको लागि पहिलो १ किमी सम्म ३० रुपैयाँ र त्यसपछि प्रति किमी १५ रुपैयाँ थपिदै जानेछ । साथै ट्याक्सीको लागि पहिलो १ किमी सम्म ६० रुपैयाँ र त्यसपछि प्रति किमी ५० रुपैयाँ थपिदै जानेछ । हाल प्लेस्टोरमा उपलब्ध यो एप छिट्टै नै आईओएसमा समेत उपलब्ध हुने बताइएको छ ।

Advertise Eleven Advertise Ten Advertise Nine
Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...