सुजुकी, महिन्द्रा र होन्डाले नयाँ मिड साइज एसयूभी ल्याउँदै, बजार थप प्रतिस्पर्धात्मक बन्ने

बजारमा साना एसयूभीको माग बढ्दै गएपछि अहिले सबैजसो उत्पादक कम्पनीहरुको ध्यान मिड साइज एसयूभीमा केन्द्रित हुँदै गएको छ । यो सेग्मेन्टमा हुन्डाई, किया, मारुती सुजुकी, एमजी र रेनो लगायत ब्रान्डको प्रभाव बजारमा निकै राम्रो रहेको देखिन्छ । सोही अबस्थालाई मध्यनजर गर्दै सुजुकीले अर्को नयाँ एसयूभी थप गर्ने योजना बनाएको छ । त्यसैगरी महिन्द्रा र होन्डाले समेत यो सेग्मेन्टमा नयाँ एसयूभी उतार्ने तयारी थालेको छ । यी तीन एसयूभी समेत बजारमा आएपछि यो सेग्मेन्टको बजार थप प्रतिस्पर्धात्मक बन्ने आँकलन गरिएको छ ।

मारुती सुजुकीले टोयोटासँगको सहकार्यमा नयाँ एसयूभी तयार पारिरहेको बताइएको छ । हाल बजारमा उपलब्ध एसक्रसलाई विस्थापित गर्नेगरी नयाँ एसयूभी आउनेछ । जुन टोयोटा ग्रुप अन्तर्गतको डाइहात्सु न्यू ग्लोबल आर्किटेक्चरमा आधारित रहनेछ । यो नयाँ एसयूभी टोयोटाको न्यू ग्लोबल आर्किटेक्चर अन्तर्गत कम बजेटको एसयूभी हुनेछ । १.५ लिटर क्षमताको पेट्रोल इन्जिन जडान गरिने अपेक्षा गरिएको यो एसयूभीलाई कम्पनीले माइल्ड अर्थात स्ट्रङ्ग हाइब्रिड सिस्टसहित उतार्ने तयारी थालेको बुझिएको छ । यो म्यानुअल र अटोमेटिक दुबै ट्रान्समिसनमा उपलब्ध हुनेछ ।

होन्डाले यसअघि देखाएको आरएस कन्सेप्टमा नयाँ एसयूभी उत्पादन गर्ने भएको छ । होन्डा सिटीको प्लेटफर्ममा उत्पादन गरिने यो एसयूभीमा होन्डा सिटी सेडानमै उपलब्ध पावरट्रेन उपलब्ध हुने बताइएको छ । यो नयाँ एसयूभीमा १.५ लिटर क्षमताको पेट्रोल र सोही क्षमताकै टर्बो डिजेल इन्जिन उपलब्ध हुनेछ । जसको अधिकतम पावर र टर्क क्रमशः १२१ पीएस र १४५ एनएम तथा १०० पीएस र २०० एनएम रहनेछ । यो एसयूभीसमेत म्यानुअल र अटोमेटिक (सिभिटी) ट्रान्समिसनमा उपलब्ध हुने बताइएको छ ।

प्रायः एसयूभी सेग्मेन्टका गाडीमात्रै उत्पादन गर्दै आइरहेको महिन्द्रा एन्ड महिन्द्राले समेत यसअघिको ७ सिटर एसयूभी एक्सयूभी ५०० लाई ५ सिटरसहित नयाँ मिड साइजमा कन्भर्ट गर्ने तयारी थालेको छ । यो नयाँ एसयूभी हाल कारोबार भैरहेका एक्सयूभी ७०० र एक्सयूभी ३०० को बीचमा रहने बताइएको छ । जसमा १.५ लिटरको टर्बो पेट्रोल र १.५ लिटरकै टर्बो डिजेल इन्जिनको विकल्प दिइनेछ । यो एसयूभी समेत म्यानुअल र अटोमेटिक दुबै ट्रान्समिसनमा उपलब्ध हुनेछ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...