यस्तो हुनेछ मारुती सुजुकी बलेनोको इन्टेरियर

केही दिन पहिला मारुती सुजुकी बलेनोको अपडेट भर्सन सार्वजनिक भएको थियो । सो कारको स्पाई फोटोको बारेमा सार्वजनिक गरिएको थियो । हाल मारुती सुजुकी बलेनोको इन्टेरियरको तस्बिर पनि सार्वजनिक गरिएको छ ।

कारको इन्टेरियर अनुसार नयाँ बलेनो रिडिजाइन्ड ड्यासबोर्डको साथमा आउने भएको छ । कारमा एसी भेन्ट्स समानान्तर भी–शेप प्याटनमा समावेश गरिएको छ । कारमा फ्रि स्ट्यान्डिङ इन्फोटेनमेन्ट स्क्रिन समावेश गरिएको छ । साथै स्मार्टप्ले स्टुडियो सिस्टम ८.० इन्चको रहेको छ । सो इन्फोटेन्टमेन्ट सिस्टम एपल कारप्ले र एन्ड्रोयड अटोको साथमा उपलब्ध हुनेछ ।

हाल बजारमा सो कार १.२ लिटर पेट्रोल इन्जिनको साथमा उपलब्ध रहेको छ । सो कारको इन्जिनमा केही परिवर्तन गरिएको छैन । कारको फुल हाइब्रिड भर्सनको बारेमा चर्चा चले तापनि यसको बारेमा केही सार्वजनिक भएको छैन । साथै कारको मेकानिकल परिवर्तनको बारेमा पनि जानकारी सार्वजनिक भएको छैन ।

कारको लुक हाल उपलब्ध मोडल जस्तै हुनेछ । इन्जिन र पावरको कुरा गर्ने हो भने बलेनोको हाल उपलब्ध मोडलमा जस्तै १.२ लिटर के–सिरिजको पेट्रोल इन्जिन र १.२ लिटर डुअलजेट पेट्रोल इन्जिनको साथमा सार्वजनिक हुनेछ । कारमा ग्रिल, फग ल्याम्पको साथमा इन्फोटेनमेन्ट सिस्टम सहित कैयौ स्ट्यान्डर्ड सेफ्टी फिचर हुनेछ ।