धेरै नयाँ फिचर सहित नयाँ जेनेरेसन हुन्डाई भेन्यु २०२५ मा लन्च हुने

न्यु जेनेरेसन हुन्डाई भेन्यु २०२५ मा लन्च हुने अपेक्षा गरिएको छ र यसको कोडनेम क्यु२एक्सआई राखिएको छ । हुन्डाई भेन्यु एसयूभी सन् २०१९ मा लन्च भएदेखि नै लोकप्रिय छ ।

गत वर्ष हुन्डाईले भेन्यु फेसलिफ्ट मोडलको रूपमा पहिलो मिड–लाइफ अपडेट गरेको थियो । हुन्डाई भेन्युको नयाँ जेनेरेसन मोडल एकदमै नयाँ डिजाइनको हुनेछ । यसमा अपडेटेड ग्रिल र हेडल्याम्पसँग जोडिएको आक्रामक र स्पोर्टियर फ्रन्ट फेसिया प्याकेज हुनेछ ।

एसयूभीको रियरमा नयाँ एच–प्याटर्न टेल ल्याम्प र नयाँ रियर बम्पर सहित धेरै परिवर्तन पनि हुनेछ । नयाँ जेनेरेसन मोडलको इन्टेरियरमा पूर्ण रूपमा नयाँ ड्यासबोर्ड हुने अपेक्षा गरिएको छ । सो कम्प्याक्ट एसयूभीमा एड्भान्स डिजिटल ड्राइभर डिस्प्ले, १०.२५ इन्चको इन्फोटेनमेन्ट सिस्टम, लेभल २ एडास, भेन्टिलेट फ्रन्ट सिट र प्यानोरामिक सनरुफ हुने सम्भावना छ ।

हुन्डाईको नयाँ एसयूभीको लम्बाइ ४ मिटर भन्दा कम हुनेछ । यद्यपि यो हालको मोडल भन्दा थोरै लामो हुनेछ । नयाँ जेनेरेसन हुन्डाई भेन्यु सम्भवतः हालको पावरट्रेन विकल्पमा उपलब्ध हुनेछ ।