मार्च २१ मा लन्च हुने भयो न्यु जेनेरेसन हुन्डाई भरना, यस्तो हुनेछ परिवर्तन

हुन्डाईले न्यु जेनेरेसन हुन्डाई भरनाको उत्पादन सुरु गरेको छ । कम्पनीले नयाँ भरना मार्च २१ मा लन्च गर्नेछ । कम्पनीले यसको बुकिङ पनि सुरु गरिसकेको छ । न्यु जेनेरेसन हुन्डाई भरना ईएक्स, एस, एसएक्स र एसएक्सओ गरी ४ ट्रिममा उपलब्ध हुनेछ ।

यसको इन्जिनलाई ई२० इन्धनमा चलाउन अपडेट गरिएको छ । रिपोर्टका अनुसार यो यसको सेगमेन्टको टप परफर्मर सेडान बन्ने सम्भावना छ । कम्पनीले नयाँ भरनाको फ्रन्ट डिजाइनलाई पूर्ण रूपमा परिवर्तन गरेको छ । यसमा पहिलाको भन्दा ठूलो फ्रन्ट ग्रिल हुनेछ ।

यसको बम्परमा एलईडी प्रोजेक्टर हेडलाइट राखिएको छ र यसको माथि स्लिम एलईडी डीआरएल राखिएको छ । कारको पछाडि नयाँ एलईडी टेललाइट सेटअप दिइएको छ । कारमा दुबै टेललाइटलाई जोड्ने एलईडी स्ट्रिप दिइएको छ ।

नयाँ भरनाको टप भेरिएन्टमा प्यानोरामिक सनरुफ उपलब्ध छ । नयाँ भरना ७ मोनोटोन र २ ड्युअल टोन कलरमा ल्याउने अनुमान गरिएको छ ।

कारको इन्टेरियरमा रिफ्रेस गरिएको ड्यासबोर्ड, नयाँ टचस्क्रिन इन्फोटेनमेन्ट सिस्टम र अन्य अपडेटहरू हुने सम्भावना छ । यसमा एडीएएस फिचर पनि दिन सकिन्छ ।

यसमा ब्लाइन्ड स्पट इन्डिकेसन, फरवार्ड कोलिजन अभोइडेन्स सिस्टम, लेन डिपार्चर वार्निङ, लेन किप असिस्ट, रियर क्रस ट्राफिक कोलिजन वार्निङ र ड्राइभर एटेन्सन वार्निङ जस्ता फिचर समावेश गरिएको छ ।