नेपाल आउने प्रतिक्षामा १० व्रान्डका १२ नयाँ कार

भारतीय बजारमा केही समययता लन्च भएका एकदर्जन कार नेपाल आउने प्रतिक्षमा छन् । सुजुकी, महिन्द्रा, टाटा, टोयोटा, फक्सवागन, स्कोडा, होन्डा, एमजी, हुन्डाई र जीप ब्रान्डका १२ वटा नयाँ एवं फेसलिफ्ट मोडल नेपाल आउने तयारीमा रहेका हुन् ।

यी मध्ये केही मोडल निकै अघि लन्च भएपनि नेपाल आउन सकिरहेका छैनन् भने अधिकांश नयाँ मोडल हालसालै लन्च गरिएका हुन् । महिन्द्राले २ वर्षअघि लन्च गरेको अफरोडर एसयुभी थार र डेढ वर्षअघि लन्च गरेको एक्सयुभी ७०० हालसम्म नेपाल आउन सकिरहेका छैनन् । यी एसयूभीको माग भारतमै उच्च रहेको भन्दै उसले हालसम्म यी दुई एसयुभीलाई नेपाल पठाउन मानिरहेको छैन ।

सम्भवत आगामी फेस्टिवल सिजनमा एक्सयुभी ७०० नेपाल भित्रिन सक्नेछ भने थार आउने मितीको अझै ठेगान लागिसकेको छैन । नयाँ स्कर्पियोलाई भने महिन्द्राले भारतमा जत्तिकै प्राथमिकता दिएर एकैदिन लन्च गरेको छ । यो एसयुभीको नेपालमा हालसम्म मूल्य समेत निर्धारण भैसकेको छैन भने वुकिङ दशैंदेखी खुल्ला हुनसक्ने बताइएको छ ।

भारतमा लन्च भएर विगत लामो समयदेखी नेपाल भित्रिन नसकेको अर्को सानो एसयुभी टाटा पन्च अर्को महिना नेपाल आउने आधिकारिक विक्रेता सिप्रद्धी स्रोतले वताएको छ । यो एसयुभी नाडा अटो शोमा लन्च हुने उक्त स्रोतको भनाई छ । टाटाकै नयाँ इलेक्ट्रिक कार नेक्सन इभी म्याक्स समेत सोही समय नेपाल भित्रिन सक्ने संभावना देखिएको छ । हाल कारोबार भैरहेको नेक्सन इभीको लङ रेन्ज भेरियन्ट यो इभी भारतमा २ महिना अघि लन्च भएको हो ।

एमजी मोटर्सले डेढ वर्षअघि लन्च गरेको एस्टर एसयुभी पनि नेपाल आउन सक्ने सूचीमा सामेल नयाँ एसयुभी हो । यो एसयुभीको पनि भारतमा माग उच्च रहेका कारण कम्पनीले निर्यातमा खासै रुची दिएको देखिँदैन । ढिलोचाँडो यो नयाँ एसयुभी पनि नेपाल भित्रिने लगभग पक्कापक्कि जस्तै देखिन्छ ।

स्कोडाले ५ महिनाअघि लन्च गरेको नयाँ सेडान कार स्लाभिया पनि नेपाल आउने तयारीमा रहको वुझिएको छ । यो कारलाई आगामी फेस्टिवल सिजनमा नेपाल ल्याउने गरी कम्पनीले तयारी थालेको बताइएको छ । १ महिना अघिमात्र लन्च भएको फक्सवागन भर्टस पनि अवको केही समयपछि नेपाल भित्रिने छ ।

हुन्डाइको लोकप्रिय सव कम्प्याक्ट एसयुभी भेन्यू फेसलिफ्ट पनि नाडा अटो शोमा लन्च हुने संभावना देखिएको छ । यो एसयुभीलाई हुन्डाई मोटर्सले १ महिना अघि भारतमा लन्च गरेको थियो । यसको साथै सुजुकी व्रेजा, होन्डा सिटी हाइव्रिड र जीप मेरिडियन पनि नेपाल भित्रिने तयारीमा छन् ।

यी मध्ये अधिकांश मोडललाई आयतकर्ता कम्पनीले भदौ ७ गते आयोजना हुने नाडा अटो शोमा लन्च गर्ने तयारी थालेका छन् । यद्यपी असार मसान्त सम्मका लागी भनेर सकारले यस्ता गाडीको आयतमा प्रतिवन्ध लगाएको छ । उक्त प्रतिवन्ध नहटे यी नयाँ कार नेपाल भित्रिने मिती अनिश्चित वन्ने देखिन्छ ।