नेटा भीले फेरि पायो थाइल्यान्ड कार अफ द इयरको ‘बेस्ट ईभी सब–कम्प्याक्ट ह्याचब्याक’ अवार्ड

नेटा भीले थाइल्यान्ड कार अफ द इयर अवार्ड समारोहमा ‘बेस्ट ईभी सब–कम्प्याक्ट ह्याचब्याक’ अवार्ड पाएको छ । नेटा भीले यो अवार्ड दोस्रो पटक पाएको हो ।

ग्रान्ड प्रिक्स इन्टरनेसनल पब्लिक कम्पनीले प्रदान गर्ने कार अफ द इयर अवार्ड विभिन्न क्षेत्रका व्यक्तिहरु सम्मिलित कमिटीले छनोट गरेका कारलाई प्रदान गरिन्छ । थाइल्यान्डको अटोमोटिभ व्यवसाय र उद्योगलाई प्रवद्र्धन गर्न सहयोग गर्ने कारलाई सो अवार्ड प्रदान गरिन्छ । थाइल्यान्ड भित्र वा बाहिर उत्पादन भएका कारले सो अवार्ड पाउने व्यवस्था छ ।

थाइ बजारमा सन् २०२२ को अगस्तमा नेटा भी औपचारिक रुपमा प्रवेश गरेको थियो । टचेबल स्मार्ट ईभी कन्सेप्टबाट प्रवेश गरेको नेटा भीका हाल थाइल्यान्डमा १४ हजार भन्दा बढी ग्राहक छन् ।

नेटा भीको उत्पादन होजोन न्यु इनर्जी सेल्स कम्पनी लिमिटेडका असिस्टेन्ट प्रेसिडेन्ट वाङ चेङलीले नेटा भीको आउटस्ट्यान्डिङ पर्फमेन्सका कारण नै लगातार दुई वर्ष यो अवार्ड पाउन सफल भएको बताए ।

उनले आगामी ४५औं मोटर शोमा नेटा भी–टु समेत सार्वजनिक गरिने र यसले समेत थाई र विश्वकै ग्राहकलाई आकर्षण गर्ने अपेक्षा गरे ।

नेटा भी नेपाली बजारमा समेत राम्रो प्रतिक्रिया पाइरहेको इलेक्ट्रिक कार हो । नेपाली बजारमा सीजी मोटर्सले नेटा भी बिक्री–वितरण गरिरहेको छ ।