सवारी साधन कर्जाको जोखिमभार १०० प्रतिशतमा झ-यो

काठमाडौं– नेपाल राष्ट्र बैंकले हायर पर्चेज कर्जाको जोखिमभार १२५ प्रतिशतबाट घटाएर १०० प्रतिशतमा झारेको छ । चालु आर्थिक वर्ष तेस्रो त्रैमासको समिक्षामार्फत मौद्रिक नीतिमा लकचता अपानाउँदै बैंकले सवारी साधन कर्जाको जोखिमभार कम गरेको हो ।

लक्ष्यको तुलनामा निकै कम कर्जा विस्तार भएपछि राष्ट्र बैंकले लचकता अपनाएको हो । हायर पर्चेज कर्जामा जोखिमभार घटेपछि अटोलोन प्रवाह गर्न बैंकलाई थप सहज हुनेछ । यसले निकै लामो समयदेखी सुस्त रहँदै आएको सवारी बजारलाई गति दिने विश्वास लिइएको छ ।

जोखिमभार बढी भएका कारण बैंकमा पर्याप्त तरलता हुँदाहुँदै पनि लोन प्रवाह हुन सकिरहेको थिएन । अटोमोबाइल ब्यवसायीले पनि जोखिमभार कम गर्नुपर्ने माग राख्दै आएका थिए ।