नेपाल अटोमोबाइल्स एसोसिएसनले शुरु ग-यो फेस्टिभ च्यालेञ्ज

नेपाल अटोमोबाइल्स एसोसिएसन (नासा नेपाल) ले गत सेप्टेम्बर २७ मा शुरु गरेको मोटरसाइकल कार्निभलको अन्तिम कार्यक्रमको रुपमा फेस्टिभ च्यालेञ्ज घोषणा सहित सम्पन्न गरेकोे छ । संघ स्थापनाको १६ वर्षको संकेत स्वरुप १६ राइडर्स विचमा हिमालयन मोटरल्याण्ड धुलिखेलमा सो अभियान घोषणा गरिएको हो ।

यस अन्तर्गत फेसबुकमा फोटो कन्टेस्ट, इन्स्टाग्राम र टिकटकमा भिडियो÷रिल कन्टेस्ट रहेको छ । कार्यक्रमका सहभागीहरुले आफूले पोस्ट गरेका ती कन्टेन्टहरुलाई एक हप्ता भित्र सबैभन्दा धरै लाइक, कमेन्ट र सेयरको आधारमा आकर्षक गिफ्ट ह्याम्पर प्रदान गरिनेछ ।

सहभागीहरुले स्लो बाइक कम्पिटिसनमा समेत सहभागीता जनाएका थिए, जहाँ बेस्ट राइडरको रुपमा अनुप श्रेष्ठ चयन भए । यस अघि टु ह्विल टुरिङ, पोलिसी डायलग तथा बेस्ट अवार्ड लगायतका कार्यक्रम सम्पन्न भइसकेका छन् ।

अन्तराष्ट्रिय मोटरसाइकल फेडेरेसन एफआईएमको सन् २०२४ को लागि नेपालमा ट्रान्स–हिमालय एड्भेञ्चर मोटरसाइकल कार्निभल लगायतका कार्यक्रम सम्पन्न गरिएको हो भने एफआईएम एसियाको सहयोगमा गत महिना मात्रै रेस अफिसियल र मार्शलको तालिम काठमाण्डौँमा सम्पन्न गरिएको नासा नेपालले जनाएको छ । अन्तराष्ट्रिय क्षेत्रमा युवाहरुको बिचमा बाइक रेसिङ अत्यन्तै लोकप्रिय रहेका छ भने नेपालमा रेसिङको अलावा टुरिङ र राइडिङमा समेत यसको लोकप्रियता बढ्दो छ ।

यस पटक मुख्यतः दुईवटा इभेन्ट मार्फत अव नेपालको सन्दर्भमा मोटरसाइक्लिङ टुरिङ भरपर्दो विकल्प बन्ने निष्कर्ष सहित सम्वन्धित सरकारी निकायमा सुझाव सहितको प्रतिवेदन बुझाउने तयारी समेत नासा नेपालले गरेको बताएको छ ।