नयाँ वर्ष अफर र देशव्यापी टेस्ट ड्राइभ क्याम्पको साथ नयाँ वर्षको उत्साह बढाउँदै नामी

काठमाडौं–नामी ईभीको नेपालका लागि आधिकारिक वितरक एमएडब्लू वृद्धी मोटर्स प्रालिले नयाँ वर्ष अफर र देशव्यापी टेस्ट ड्राइभ क्याम्पको घोषणा गरेको छ । अप्रिल ५ देखि सुरु भएको उक्त अफर अप्रिल १२ सम्म सन्चालन हुने जनाइएको छ ।

एक हप्तासम्म चल्ने यस कार्यक्रमको उद्देश्य ग्राहक संग्लग्नता बढाई उउनीहरुलाई बिग ह्याच र फाइभ स्टार लक्जरी भएको नामीको प्रत्यक्ष अनुभव प्रदान गर्नु हो । यससँगै ग्राहकहरूले अब तोकिएको नामी गाडीको बुकिङका लागि केवल ५ लाख ९९ हजार देखि सुरु हुने सजिलो डाउन पेमेन्टबाट फाइदा लिन सक्नेछन् ।

यस अफरमा बुकिङ भएको मितिदेखि दुई वर्किङ डे भित्र ग्यारेन्टीपूर्ण डेलिभरीका साथै १ लाख रुपैयाँ सम्मको फाइदाहरू समावेश गरिएको छ । यसले समग्र अनुभवलाई मूल्य र गति दुवै हिसाबले प्रभावकारी बनाउने विश्वास कम्पनीले लिएको छ ।

खरिद प्रक्रियालाई थप सजिलो बनाउन ८० प्रतिशत सम्मको फाइनान्सिङ सहायता प्रदान गर्ने जनाइएको छ, जसले गर्दा गाडी लिने प्रक्रिया सहज हुने र ग्राहकले सुरूमै गर्नुपर्ने खर्च पनि कम हुनेछ ।

साथै, टेस्ट ड्राइभमा सहभागी हुने सबैलाई निःशुल्क उपहार प्रदान गरिनेछ । ग्राहक सबैले उपहारका साथ अत्याधुनिक, सुविधायुक्त इलेक्ट्रिक कारको रोमाञ्चक टेस्ट ड्राइभको आनन्द लिन सक्नेछन् ।