नामी ईभीमा आयो ‘फाइभ स्टार अफर’, यस्ता छन् आकर्षण

काठमाडौं– डोङफेङ नामीको नेपालका लागि आधिकारिक वितरक एमएडब्लु वृद्धिले ‘नामी फाइभ स्टार अफर’ सार्वजनिक गरेको छ । अफर नेपालभरका सबै नामी शोरूमहरूमा सिमित अवधिका लागि उपलब्ध हुने कम्पनीले जनाएको छ ।

नामी फाइभ स्टार अफरले ग्राहकहरूलाई आकर्षित गर्ने पाँचवटा विशेष सुविधाहरू प्रदान गर्ने जनाइएको छ । यस योजनाअन्तर्गत ग्राहकहरूले आकर्षक नगद छुट, ७ किलोवाट प्लस ३.५ किलोवाट चार्जर, अटो प्लस बीमा, चालु आर्थिक वर्षका लागि निःशुल्क सडक कर र निःशुल्क एक्सेसरिजहरू प्राप्त गर्नेछन् ।

कम्पनीका अनुसार, विद्युतीय सवारीप्रतिको रुचि बढ्दो क्रममा रहेको परिवेशमा नामी इभी स्मार्ट सहरियाहरूका लागि सुलभ र आधुनिक विकल्प बन्न पुगेको छ । यी पाँच लाभहरूका कारण नामी खरिद गर्नु अहिलेसम्मकै बुद्धिमानी र लाभदायक निर्णय बन्ने कम्पनीको भनाई छ ।

बढ्दो विद्युतीय सवारी बजारमा नामी लोकप्रिय छनोट बनेको छ । नामी ईभीमा बेस्ट–इन–क्लास फिचर, इम्प्रेसिभ ड्राइभिङ रेन्ज र स्मार्ट मूल्यका कारण नामी धेरै ग्राहकहरूको पहिलो रोजाइ बन्न सफल भएको हो ।

सुपथ मूल्यमा लक्जरी, आधुनिक डिजाइन र प्रविधिको सुन्दर संयोजन पस्कन सक्ने क्षमताले नामीलाई विद्युतीय सवारी चाहनेहरूको नजरमा झनै विश्वसनीय बनाएको छ ।